Read Time:2 Minute, 17 Second
އިސްރާއީލާއި އީރާނާއި ދެމެދު ދެމުންގެންދާ ހަމަލާތަކުގަައި އުރުދުންގެ އިމާރާތަކަށް ގެއްލުންވެއްޖެއެވެ. ދައުލަތުގެ ބްރޯޑްކާސްޓަރު އަލް މަމްލަކާ ޓީވީން ދެއްކި ފުޓޭޖްތަކުން ފެންނަނީ އެ ހާދިސާގައި ގެއްލުން ލިބުނު އިމާރާތެކެވެ. ކަމާ ބެހޭ ފަރާތްތަކުން ވަނީ އެ އިމާރާތަށް ނުވަދެވޭ ގޮތަށް ބަންދުކޮށްފައެވެ. މި ހާދިސާގައި ތިން މީހަކަށް އަނިޔާވެސް ވެފައި ވެއެވެ. އުރުދުންގެ އަސްކަރިއްޔާއިން އިއްޔެ ބުނީ އެއްވެސް ހާލެއްގައި އެގައުމުގެ ވައިގެ ސަރަޙައްދަށް އަރައިގަތުމުގެ ފުރުސަތު ނުދޭނެ ކަމަށެވެ.
އުރުދުންގެ ކަމާބެހޭ ފަރާތްތަކުން ވަނީ އެ މައްސަލަ ބަލަން ފަށައިފައެވެ. އިއްޔެ ރޭ އިސްރާއީލުން އީރާނަށް ދިން ހަމަލާތަކާއި ގުޅިގެން އެ ސަރަހައްދުގެ މަސްރަހު ވަރަަށް ބޮޑަށް ވަނީ ގޯސްވެފައެވެ. އަދި ދެ ގައުމުގެ ދެ މެދުގައި ވަރުގަދަ ހަމަލާތަކެއް ދަނީ ބަދަލު ކުރަމުންނެވެ. މިގޮތުން ރޭ އިސްރާއީލާއި ދެކޮޅަށް އިރާނުން ފޮނުވާލި މިސައިލްތަކުގެ ތެރެއިން ބައެއް މިސައިލްތައް އިސްރާއީލުގެ ވެރިރަށް، ޓެލް އަވިވްއަށް ވެއްޓި ގޮވާފައި ވެއެވެ. އަދި އޭގެ ފަހުން ފޮނުވާލި މިސައިލްތައްވެސް އިސްރާއީލުގެ މެދު ތެރޭގެ ސަރަހަައްދުތަކަށް ވެއްޓި ބޮޑެތި ގެއްލުންތަކެއް ވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0