Read Time:3 Minute, 9 Second
މެދުއިރުމަތީ ސަރަހައްދުގައި ހުންނަ އެމެރިކާގެ މަރުކަޒުތަކަށް ހަމަލާތައް ދޭނެ ކަމަށް އީރާން އަސްކަރިއްޔާގެ އިސް އޮފިޝަލަކު ވިދާޅުވެއްޖެއެވެ. އީރާނުގެ ނިއުކްލިއާ ޕްރޮގްރާމާ ގުޅޭ ގޮތުން އެމެރިކާ އާއި އީރާނާ ދެމެދު މަޝްވަރާތައް ހުއްޓިފައި އޮތުމުގެ ސަބަބުން ފަހަކަށް އައިސް ނުތަނަވަސްކަން ދަނީ އިތުރުވަމުންނެވެ. އަދި އިއްޔެ ރޭ އެމެރިކާއިން އަސްކަރީ ގޮތުން ބޮޑު އެހީތެރިކަމެއް ދެމުން އަންނަ އިސްރާއީލުން އީރާނަަށް ދިން ހަމަލާތަކާއެކު އެ ދެގައުމުގެ ދެމެދުގައި ވަރުގަދަ ކުރިމަތިލުންތަކެއް ދަނީ ހިނގަމުންނެވެ.
އީރާނުގެ އަސްކަރިއްޔާގެ އިސް އޮފިޝަލާއި ހަވާލާދީ އީރާނުގެ ފާސް ނިއުސް އެޖެންސީން ރިޕޯޓްކޮށްފައިވާ ގޮތުގައި އިސްރާއީލަށް ދޭ ހަމަލާތައް ދެމިއޮންނާނެ ކަމުގެ އިންޒާރު ވަނީ ދީފައެވެ. އަދި ކުރިއަށް އޮތް ދުވަސްތަކުގައި އެ ސަރަހައްދުގައި ހުރި އެމެރިކާގެ މަރުކަޒުތަކަށް ވެސް ހަމަނުޖެހުންތައް ފެތުރިގެން ދާނެ ކަމުގެ އިޝާރާތެއް އޭނާ ވަނީ ދެއްވާފައެވެ. ނަން ހާމަނުކުރާ އޮފިޝަލަކާ ހަވާލާދީ ފާސް ނޫހުން ބުނީ ރޭ ދިން ހަމަލާތަކާއެކު މި ކުރިމަތިލުން ނިމުމަކަށް ނާންނާނެ ކަމަށާއި އީރާނުގެ ހަމަލާތައް ދެމިއޮންނާނެ ކަމަށެވެ. އަދި މިއަމަލަކީ، އަނިޔާވެރިވާ މީހުންނަށް ވޭންދެނިވި އަދި ހިތާމަކުރާނެ ކަމެއް ކަމަށްވެސް އޮފިޝަލް ވިދާޅުވިއެވެ.
މެދު އިރުމަތީގައި އިސްރާއީލު ނުލާ 16 ގައުމެއް އޮންނައިރު، މެދުއިރުމަތީގައި އެމެރިކާގެ ސިފައިން ގާއިމްވެގެން ތިބޭތާ އެތައް އަހަރެއް ވެދާނެއެވެ. އަދި މިހާރު ވެސް ގާތްގަނޑަކަށް 40،000 އާއި 50،000 އާ ދެމެދުގެ އަދަދަކަށް ސިފައިން 19 ތަނަކަށް ވުރެ މަދު ނޫން ތަނެއްގައި ތިބޭ ކަމަށް ރިޕޯޓްތަކުން ދައްކައެވެ.
Happy
50 %
Sad
0 %
Excited
50 %
Sleepy
0 %
Angry
0 %
Surprise
0 %
0
0