Read Time:6 Minute, 39 Second
ޔަހޫދީ ދައުލަތުން ރޭ އީރާނަށް ދިން ހަމަލާތައް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ކުށްވެރިކުރައްވައިފިއެވެ. މި ހަމަލާތައް ރައީސް ކުށްވެރިކުރެއްވި ސޯޝަލް މީޑިއާގައި ހިއްސާ ކުރެއްވި ޕޯސްޓެއްގައެވެ. އެގޮތުން، އީރާނަށް ޔަހޫދީ ދައުލަތުން ދިން ހަމަލާތައް ހަރުކަށި އިބާރާތުން ކުށްވެރިކުރައްވާ ކަމަށް ރައީސް ވިދާޅުވިއެވެ.
ރައީސުލްޖުމްހޫރިއްޔާ ވިދާޅުވީ، ޔަހޫދީ ދައުލަތުގެ މި އަމަލުތަކަކީ ބައިނަލްއަޤްވާމީ ޤާނޫނުތަކާ ޚިލާފު އަމަލުތަކެއް ކަމަށާއި އޭގެ ސަބަބުން ސަރަހައްދީ ހަމަނުޖެހުން އުފެދިގެންދާނެ ކަމަށެވެ. ހާލަތު އިތުރަށް ގޯސްވިޔަ ނުދިނުމަށް ވަގުތުން ފިޔަވަޅުތައް އަޅަން ޖެހޭ ކަމަށްވެސް ރައީސް ވިދާޅުވިއެވެ.
Strongly condemns the Israeli aggression against the Islamic Republic of Iran.
Such acts constitute a serious violation of international law and jeopardise regional peace and stability.
Urgent action must be taken to stop the escalation of tensions.
— Dr Mohamed Muizzu (@MMuizzu) June 13, 2025
ޔަހޫދީންގެ ހަމަލާތައް ދިވެހި ސަރުކާރުންވެސް ވަނީ ކުށްވެރިކުރައްވާފައެވެ. ޚާރިޖީ ވުޒާރާއިން ނެރުނު ބަޔާނެއްގައި ވިދާޅުވީ ޔަހޫދީ ދައުލަތުގެ ބައިނަލްއަޤްވާމީ ޤާނޫނާ ހިލާފު މި އަމަލަކީ މެދުއިރުމަތީގެ ސުލްޙައާއި، ސަލާމަތަށް ހުށަހެޅިގެންދާ ނުރައްކަލެއް ކަމަށާއި މި އަމަލަކީ ސަރަހައްދުގެ ސަލާމަތަށް އިތުރަށް ނުރައްކާވާނެ ކަމެއް ކަމަށެވެ. އަދި ޔަހޫދީ ދައުލަތުގެ އިސްތިއުމާރީ ބާރުތަކުން ޣައްޒާއަށް މެދުކެނޑުމެއްނެތި ދެމުންގެންދާ ހަމަލާތަކާ ދިމާކޮށް އީރާނަށް ދިން ހަމަލާތަކާ ގުޅިގެން މުޅި މެދުއިރުމަތީގެ ސަލާމަތާއި ރައްކާތެރިކަމަށް އަސަރުފޯރާނެ ކަމަށްވެސް ވިދާޅުވިއެވެ. ދިވެހި ސަރުކާރުން ބައިނަލްއަޤްވާމީ މުޖުތަމަޢުއަށް ޔަހޫދީ ދައުލަތުން ކުރަމުންދާ ޣައިރު ޤާނޫނީ އަމަލުތައް ވަގުތުން ހުއްޓާލުމަށް އެ ދައުލަތަށް މަޖުބޫރުކުރުވުމަށް ވަގުތުން އަޅަންޖެހޭ ފިޔަވަޅު އެޅުމަށް ބާރުއެޅުމަށާއި، ސަރަހައްދުގެ މަޞްލަހަތު އިތުރަށް ގޯސްވިޔަނުދިނުމަށް އަވަސް ފިޔަވަޅުތައް އެޅުމަށް ގޮވާލާ ކަމަށްވެސް ޚާރިޖީ ވުޒާރާއިން ނެރުނު ބަޔާނުގައި ވަނީ ވިދާޅުވެފައެވެ.
ޔަހޫދީ ދައުލަތުން ފަލަސްތީނުގެ ޣައްޒާ އާއި މެދުއިރުމަތީގެ އެކި ޤައުމުތަކަށް ދެމުންދާ ހަމަލާތައް ރާއްޖޭން އަންނަނީ ކުށްވެރިކުރައްވަމުންނެވެ. އަދި އެ ހަމަލާތައް ހުއްޓާލައި މިނިވަން، މުސްތަގިއްލު ފަލަސްތީނުގެ ދައުލަތެއް ޤާއިމުކުރުމަށްވެސް ބައިނަލްއަގުވާމީ އެކި މަންސަތަކުގައި ސަރުކާރުން ދަނީ ވަކާލާތު ކުރައްވަމުންނެވެ. ފަތިހުގެ ވަގުތެއްގައި އިރާނުގެ އަސްކަރީ މަރުކަޒުތަކަށާއި ނިއުކްލިޔަަރ މަރުކަޒުތަކަށް އަމާޒުކޮށް ޔަހޫދީން ދިން ޙަމަލާގައި އީރާނުގެ އިންޤިލާބީ ފައުޖުގެ އިސްވެރިޔާ، ޙުސައިން ސަލާމީއާއި އީރާނުގެ ހަތިޔާރުއެޅި ބާރުގެ ޗީފް އޮފް ސްޓާފް މުޙައްމަދު ބަޣާރީ އަދި އެމަޖެންސީ ކޮމާންޑުގެ ކޮމާންޑަރު ވަނީ ޝަހީދު ކޮށްލާފައެވެ.
އޭގެ އިތުރުން 6 ނިއުކްލިއަރ ސައިންޓިސްޓުންވެސް ޝަހީދު ކޮށްލައިފައިވާއިރު އާންމުން ދިރިއުޅޭ ސަރަޙައްދަކަށް ޔަހޫދީން ދިން ޙަމަލާއެއްގައި ކުޑަކުދިންތަކެއްވެސް ވަނީ ޝަހީދުކޮށްލާފައެވެ. އެ ޙަމަލާތަކަށް ބަދަލު ހިފުމުގެ ގޮތުން އީރާނުންވެސް ވަނީ މިއަދު ހަމަލާތައް ދީފައެވެ. ނަމަވެސް އެ ޤައުމުން ދިން 100އަށްވުރެ ގިނަ ޑްރޯން ޙަމަލާ ޔަހޫދީ ދައުލަތުން ވަނީ ހުއްޓުވާފައެވެ. މި ހަމަލާތަކުގައި ބޭނުންކޮށްފައި ވަނީ ޝާހެދު ޑްރޯނެވެ. ޔަހޫދީންނަށް އީރާނުގެ ޙަމަލާތައް ހުއްޓުވުނީ އުރުދުންގެ ބޮޑު އެހީތެރިކަމާއެކުގައެވެ.
އުރުދުންގެ ރޯޔަލް އެއާފޯސްގެ މަތިންދާބޯޓާއި ވައިގެ ދިފާޢީ ނިޒާމުން އުރުދުންގެ ވައިގެ ސަރަޙައްދަށް ވަދެފައިވާ އީރާނުގެ ޑްރޯންއާއި މިސައިލު ހުއްޓުވާފައިވާކަން އެ ޤައުމުން ވަނީ ޔަޤީން ކޮށްދީފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0