Read Time:2 Minute, 52 Second
(ވީޑިއޯ ކްރެޑިޓްސް: އެންޑީޓީވީ)
އަހްމަދުއާބާދު އެއަރޕޯޓުން ފުރުމަށްފަހު ކުޑައިރުކޮޅެއްގެ ތެރޭގައި 242 މީހުން އުފުލަމުން ދިޔަ އެއަރ އިންޑިއާގެ ބޯއިންގ 787-8 ޑްރީމްލައިނަރ މަތިންދާބޯޓެއް ވަނީ ވެއްޓިފައެވެ. މިބޯޓު ދަތުރު ކުރަމުންދިޔައީ ލަންޑަނަށެވެ. މި މަތިންދާބޯޓުގައި 232 ފަސިންޖަރުންނާއި 10 އެއަރ ކްރޫ ތިބިއެވެ. މަތިންދާބޯޓު ތިރިން ދަތުރުކުރަމުން އަދި އުދުހުމަށް މަސައްކަތްކުރަމުންދާ މަންޒަރު ދައްކުވައިދޭ ވީޑިއޯއެއްގައި ފެންނަނީ މަތިންދާބޯޓު ބިމުގައި ޖެހި އަދި ގޮވާގެން ދިޔަ މަންޒަރެވެ. މަތިންދާބޯޓު ވެއްޓުނީ އުދުހުމަށްފަހު 5 މިނެޓު ވަންދެން ދަތުރުކުރުމަށްފަހު މެންދުރުފަހު 1:38 ގައެވެ.
އެއަރލައިނުން ނެރުނު ބަޔާނެއްގައި ބުނެފައިވަނީ މިއަދު ހާދިސާއެއް ދިމާވެފައިވަނީ އަހްމަދުއާބާދު އިން ލަންޑަންގެ ގެޓްވިކްއަށް ދަތުރުކުރަމުންދިޔަ ފްލައިޓް ނަންބަރު AI 171 އަށްއަށް ކަމަށެވެ. “މިވަގުތު އަޅުގަނޑުމެން ދަނީ މި ހާދިސާގެ ތަފްސީލުތައް ހޯދަމުންނެވެ. އަދި އިތުރު މަޢުލޫމާތު ލިބުމުން ވީހާވެސް އަވަހަކަށް ހިއްސާކުރާނަމެވެ،” އެއަރ އިންޑިއާއިން ބަޔާނުގައި ބުނެފައިވެއެވެ. ހާދިސާ ހިނގި ސަރަހައްދުން ފެންނަ މަންޒަރުތަކުގައި ވަނީ ބިމުން މައްޗަށް އަރަމުންދާ ބޯ މުޅިކުލައިގެ ދުމެކެވެ. މަދުވެގެން 24 އެމްބިއުލާންސް ވަނީ އެ ސަރަހައްދަށް އައިސްފައެވެ. އަދި ބައެއް އެމްބިއުލާންސްތަކުން ވަނީ ޒަޚަމްވި މީހުން ހޮސްޕިޓަލަށް ގެންގޮސްފައެވެ. ފުލުހުން ވަނީ އެ ސަރަހައްދުގެ ޓްރެފިކް އެހެން މަގުތަކަށް ބަދަލުކޮށްފައެވެ.
Happy
0 %
Sad
100 %
Excited
0 %
Sleepy
0 %
Angry
0 %
Surprise
0 %
0
0