Read Time:2 Minute, 54 Second
ދިވެހި ހުރިހާ ހައްޖުވެރިން މިނާ އަށް ވާސިލްވެފައިވާ ކަމަަށް އިސްލާމީ ކަންތައްތަކާއި ބެހޭ ވަޒީރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެެއެވެ. ޝަހީމް މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ، ރާއްޖެއިން ހައްޖަށް ދިޔަ 1،000 ހާޖީން މިނާ އަށް ވާސިލްވެފައިވާ ކަމަށެވެ. އަދި އެންމެންގެ ހާލުވެސް ރަނގަޅު ކަމަށްވެސް ވަޒީރު ޝަހީމް ވިދާޅުވެފައި ވެއެވެ. “މިރޭގެ ވަގުތެއްގައި އަރަފާތަށް ދާން ފުރާނެ،”. ވަޒީރު ވިދާޅުވެފައި ވެއެވެ. މި އަހަރު ހައްޖުގެ އަޅުކަން އަދާކުރަން ރާއްޖެ އިން 1،000 ހައްޖުވެރިން ވަނީ ސައުދީއަށް ގޮސްފައެވެ.
މި އަހަރު ހައްޖަށް ދާ މީހުންނަށް “މައްކާ ރޫޓް އިނިޝިއޭޓިވް” ގެ ދަށުން ވަރަށް ގިނަ ލުއި ފަސޭހަތަކެއް ވަނީ ލިބިގެންގޮސްފައެވެ. މައްކާ ރޫޓް އިނީޝިއޭޓިވްގެ ދަށުން ހައްޖުވެރިން ރާއްޖެއިން ފުރުމުގެ ކުރިން، ސައުދީ އާއި ރާއްޖޭގެ އިމިގްރޭޝަނުން ކުރަން ޖެހޭ ކަންކަންރާއްޖޭގެ އެއާޕޯޓްގައި ތިބެ ވަނީ ނިންމާލާފައެވެ. އޭގެ ސަބަބުން ޖިއްދާ އެއާޕޯޓުގައި ހައްޖުވެރިން ހޭދަކުރާ ވަގުތު ވަރަށް ބޮޑު ތަނުން ކުރުވެގެން ގޮސްފައިވެއެވެ. މީގެއިތުރުން ހައްޖުވެރިން އެއާޕޯޓުގައި މަޑުނުކޮށް، ސީދާ ހޮޓަލަށް ދެވޭނެ އިންތިޒާމު ވެސް ހަމަޖެހިގެންގޮސްފައިވެއެވެ. އަދި ހައްޖުވެރިންގެ ލަގެޖްތައް ވެސް ސީދާ ހޮޓަލަށް ވަނީ ލިބިފައެވެ.
“މައްކާ ރޫޓް އިނީޝިއޭޓިވް”ގެ ހިދުމަތް ރަސްމީކޮށް އިފްތިތާހުކޮށްދެއްވީ ވެލާނާ އިންޓަނޭޝަނަލް އެއާޕޯޓު (ވީއައިއޭ) ގައި ބޭއްވި ރަސްމިއްޔާތެއްގައި ރައީސް ޑރ. މުހައްމަދު މުއިއްޒުގެ ދެކަނބަލުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0