(ފޮޓޯ ކްރެޑިޓްސް: އެމްޕީއެލް)
ރާއްޖެއަށް މުދާ އިމްޕޯޓްކޮށް އެކްސްޕޯޓުކުރާ ފަރާތްތަކަށް ފަސޭހަކަމާއެކު، އެއް ޕްލެޓްފޯމަކުން ޚިދުމަތްތައް ހޯދޭގޮތަށް ފަރުމާކޮށްފައިވާ ނެޝަނަލް ސިންގަލް ވިންޑޯ “ޓްރޭޑިއަން” ޕްލެޓްފޯމުން އެކަނި ޚިދުމަތް ލިބޭގޮތަށް ބަދަލުކުރުން ފަސްކޮށްފިއެވެ. ނެޝަނަލް ސިންގަލް ވިންޑޯ “ޓްރޭޑިއަން”އަކީ ދިވެހި ވިޔަފާރިވެރިންނަށް ލުއި ގޮތްތަކެއް މަގުފަހިކޮށްދެއްވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ގެންގުޅުއްވާ ތަޞައްވުރުގެ ދަށުން، ފަރުމާކޮށްފައިވާ ޕްލެޓްފޯމެކެެވެ. މިއީ އިމްޕޯޓް، އެކްސްޕޯޓް ވިޔަފާރީގެ ބޭނުންތަކަށް އެކި އިދާރާތަކުން ހޯދަމުން އަންނަ ޚިދުމަތްތައް، އޮންލައިންކޮށް އެއް ޕްލެޓްފޯމެއްގެ ތެރެއިން ހޯދޭނެގޮތަށް ފަރުމާކޮށްފައިވާ ޕްލެޓްފޯމެއްކަމަށް ސަރުކާރުން ވިދާޅުވެއެވެ.
އިމްޕޯޓް އެކްސްޕޯޓާއި ގުޅުންހުރި އިދާރާތައް އެއް ވިއުގައަކުން ގުޅާލުމަށް އުފައްދާފައިވާ ޓްރޭޑިއަން ޕްލެޓްފޯމް މިހާރުވެސް ދަނީ ބޭނުންކުރަމުންނެވެ. އެގޮތުން މި ޕްލެޓްފޯމުގެ ދަށުން މޯލްޑިވްސް ޕޯޓްސް ލިމިޓެޑް، އެމްޕީއެލް އަދި މޯލްޑިވްސް ކަސްޓަމްސް ސަރވިސްއިންވެސް ދަނީ ޚިދުމަތް ފޯރުކޮށްދެމުންނެވެ. އަދި މިއަދުން ފެށިގެން ހަމައެކަނި މި ޕްލެޓްފޯމުން އެ ޚިދުމަތްތައް ފޯރުކޮށްދޭގޮތަށް މީގެ ކުރިން ވަނީ ނިންމާފައެވެ.
އެހެންނަމަވެސް އިޤްތިޞާދީ ތަރައްޤީއާއި ވިޔަފާރިއާއި ބެހޭ ވުޒާރާއިން މިއަދު ކުރި އިއުލާނެއްގައި ވިދާޅުވީ، އެކްސްޕޯޓް އިމްޕޯޓާއި ގުޅޭ ހިދުމަތްތައް ޓްރޭޑިއަން ޕްލެޓްފޯމުން އެކަނި ލިބޭގޮތަށް ބަދަލުކުރުން ފަސްކޮށްފައިވާކަމަށެވެ. މިގޮތަށް ނިންމަވާފައިވަނީ އިމްޕޯޓް އެކްސްޕޯޓް އާއިގުޅޭ ޚިދުމަތްތައް ފޯރުކޮށްދިނުމުގައި، ޓްރޭޑިއަން ޕްލެޓްފޯމާއި ގުޅުންހުރި އެހެން ސިސްޓަމްތައް ގުޅުވާލުމާއި، ޚިދުމަތް ހޯއްދަވާ ފަރާތްތަކަށް އެއްވެސް މައްސަލައެއް ދިމާނުވާކަން ކަށަވަރުކުރުމުގެ ގޮތުން ކުރަން ޖެހޭ ޓެސްޓުތަކެއް ކުރުމަށް އިތުރަށް ވަގުތު ބޭނުންވާތީކަމަށްވެސް އެ ވުޒާރާއިން ވިދާޅުވިއެވެ.
މިއަދުން ފެށިގެން މި ޚިދުމަތްތައް ހޯދޭނެ ހަމައެކަނި ޕްލެޓްފޯމަކީ ޓްރޭޑިއަންކަމަށް އޮތް އޮތުން ފަހުގެ ތާރީޚަކަށް ބަދަލުކުރަން ނިންމާފައިވާ ކަމަށާއި މި ބަދަލާއި ގުޅިގެން، ވަކި ތާރީޚެއް ކަނޑައެޅެންދެން، މިހާރެކޭވެސް އެއްގޮތަށް އިމްޕޯޓް އެކްސްޕޯޓާ ގުޅޭ ޚިދުމަތްތައް ފޯރުކޮށްދެމުން ގެންދާނެކަމަށް އިޤްތިޞާދީ ވުޒާރާއިން ވިދާޅުވިއެވެ. އަދި ހަމައެކަނި ޓްރޭޑިއަން ޕްލެޓްފޯމުން އިމްޕޯޓް އެކްސްޕޯޓާއި ގުޅޭ ޚިދުމަތްތައް ދިނުމަށް ތައްޔާރުވިހާ އަވަހަކަށް އެކަން އިއުލާނު ކުރައްވާނެކަމަށްވެސް އެ ވުޒާރާއިން ފާހަގަކުރެއްވިއެވެ.
ޓްރޭޑިއަން ފަރުމާކޮށްފައިވަނީ އިޤްތިޞާދީ ދާއިރާގެ ފަރާތްތަކާއި ރާއްޖޭގެ ވިޔަފާރިވެރިންގެ ޚިޔާލާއި މަޝްވަރާ ހޯދައިގެންނެވެ. މިކަމާއި ގުޅޭ ގިނަ ބައްދަލުވުންތަކެއް ޓްރޭޑް ނެޓްގެ ފަރާތުން ވަނީ ބާއްވާފައެވެ. މި ޕްލެޓްފޯމް ރަސްމީކޮށް އިފްތިތާޙްކޮށްފައިވަނީ މިދިޔަ އަހަރުގެ ސެޕްޓެމްބަރު މަހުއެވެ.
About Post Author
މާދަމާ ނިއުސް
ދުޢާއަކީ ކޮންމެ ރައްޔިތެއްވެސް ﷲގެ އޯގާވަންތަކަމުގައި ލަހައްޓަވައި ތާއަބަދުމެ ވިޔަވަތިކަން ދެއްވުން: ރައީސް
(ފޮޓޯ ކްރެޑިޓްސް: ރައީސް އޮފީސް) ދުޢާއަކީ ކޮންމެ ރައްޔިތެއްވެސް ﷲގެ އޯގާވަންތަކަމުގައި ލަހައްޓަވައި ތާއަބަދުމެ ވިޔަވަތިކަން ދެއްވުން ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު...
ތިމާވެއްޓަށް ދިވެހީން ދޭ އިސްކަމަކީ، މިއަދުގެ ފާގަތިކަމާއި، މާދަމާގެ އުފާވެރިކަމަށްޓަކާ އަދާކުރާ ޤައުމީ ޒިންމާއެއް: ރައީސް
(ފޮޓޯ ކްރެޑިޓްސް: ރައީސް އޮފީސް) ތިމާވެށި ޙިމާޔަތް ކުރުމަށް ދިވެހީން ދޭ އިސްކަމަކީ، މިއަދުގެ ފާގަތިކަމާއި، މާދަމާގެ ތިޔާގިކަމާއި އުފާވެރިކަމަށްޓަކައި އަދާކުރާ ޤައުމީ ޒިންމާއެއްކަމުގައި...
ޢަރަފާތު ދުވަހުގެ އަޅުކަމުގައި އުޅޭއިރު ފަލަސްޠީނުގެ ރައްޔިތުންގެ މަތިން ހަނދާން ނައްތާލައިގެން ނުވާނެ: ވަޒީރު ޑރ.ޝަހީމް
(ފޮޓޯ ކްރެޑިޓްސް: ރޮއިޓާރސް) ޢަރަފާތު ދުވަހުގެ އަޅުކަމުގައި އަވަދިނެތި އުޅޭއިރު ފަލަސްޠީނުގެ ލޮބުވެތި ރައްޔިތުންނަށް ހެޔޮ ދުއާކުރުން ހަނދާން ނައްތާލައިގެންނުވާނެކަމަށް އިސްލާމީ ކަންތައްތަކާ ބެހޭ...
ޙައްޖު މޫސުމަށް ޙަރަމްފުޅު ސަރަޙައްދުގެ މަގުތައް ފުޅާކޮށް، ނަމާދު ކުރާނެ ޖާގަ އިތުރު ކޮށްފި
(ފޮޓޯ ކްރެޑިޓްސް: ޕީއެސްއެމް ނިއުސް) މި އަހަރުގެ ޙައްޖު މޫސުމަށް ތައްޔާރުވުމުގެ ގޮތުން ސަޢުދީ ޢަރަބިއްޔާގެ މައްކާގައި ހުންނަ ރޯޔަލް ކޮމިޝަން ފޮރ މައްކާ...
ޙައްޖު 2025: 10ން 4އަކަށް ޙައްޖުވެރިން ފޭލިގެތަކުގައި ތިބުމަށް އިލްތިމާސް ކޮށްފި
އަރަފާތު ދުވަހު ސަޢުދީ ޢަރަބިއްޔާގެ ހޫނުމިން އާދަޔާ ޚިލާފަށް މައްޗަށް ދާނެ ކަމަށް ލަފާ ކުރެވޭތީ ޙައްޖުގެ އަޅުކަން އަދާ ކުރަމުންދާ ޙައްޖާޖީން އެ...