Read Time:3 Minute, 49 Second
(ފޮޓޯ ކްރެޑިޓްސް: ވަގުތު)
ގެދޮރު ނެތް، 18 އަހަރުން މަތީގެ މީހުންނަށް ބޯހިޔާވަހިކަން ދޭ މަޝްރޫއެއް މިއަހަރު ހުޅުވާލާނެ ކަމަށް ރައީސް، ޑރ. މުހައްމަދު މުއިއްޒު ނިންމަވައިފިއެވެ. ރައީސް މިަފަދައިން ވިދާޅުވީ “ޕީއެސްއެމް” ނިއުސްއަށް ދެއްވި ހާއްސަ އިންޓަވިއުއެއްގައެވެ. ރައީސް ވިދާޅުވީ، 18 އަހަރުން މަތީގެ ހުރިހާ ރައްޔިތުން، މީގެ ތެރެއިން މާލޭގެ ރައްޔިތުން، މާލޭގެ ރަށްވެހިން އަދި މާޅޭގައި ދިރިއުޅޭ ރައްޔިތުންނަށް “ފަސްޓް ހޯމް” ނުވަތަ އަމިއްލަ ގެދޮރަށް ކުރިމަތިލުމަށް ހުޅުވާލާނެ ކަމަށެވެ. އޭގެ ތެރޭގައި ގޯތި ނޫނީ ފްލެޓް ހިމެނޭނެ ކަމަށް ރައީސް ވިދާޅުވިއެވެ.
“މުޅިމާލެ ސަރަހައްދުން ރަސްމާލެ ހިމެނޭ ގޮތަށް ގޯތި ނޫނީ ފްލެޓް ކަށަވަރު ކޮށްދިނުމަށްޓަކައި ހުޅުވާލާނެ، ހުޅުވާލައި އެފަރާތްތައް ކުރިމަތިލައި އެ ފަރާތްތަކަށް ކަށަރުކުރުމުގެ ލިޔުން ދޭނަން މި އަހަރު ނިމުމުގެ ކުރިން އެއީ ޓާގެޓަކީ” ރައީސް ވިދާޅުވިައެވެ. މިއާއި އެކީ މިއަހަރު ނިމުމުގެ ކުރިން 18 އަހަރުން މަތީގެ އެއްވެސް ރަށްވެއްސަކު، އަމިއްލަ ވިއަސް އަދި އާއިލީ ގޮތުން ވެސް އަމިއްލަ ބޯހިޔާވަހިކަމެއް ނެތި ނުހުންނާނެ ކަމަށް ޔަގީންކަން ރައީސް ވަނީ ދެއްވާފައެވެ. ރައީސް ވިދާޅުވީ ލިޔުން ހަވާލުކުރާއިރު، އެމީހަކަށް ގޯތި ނުވަތަ ފްލެޓް ލިބޭ ތަން ޔަގީންކޮށްދެއްވާނެކަމަށެވެ. އަދި މާލެ ސަރަޙައްދުގައި ހިއްކާ ބިންތަކުން، އެމީހަކު ޚިޔާރުކުރާ ތަނަކުން ގޯތި ނުވަތަ ފްލެޓް ހަމަޖައްސަވާނެކަމަށް ވެސް އެމަނިކުފާނު ވިދާޅުވިއެވެ. ރައީސް ފާހަގަކުރެއްވި އެފަރާތްތަކަށް ގުޅިފަޅު، ގިރާވަރުފަޅު، އުތުރުތިލަފަޅު އަދި ރަސްމާލެ ވެސް ބިން ލިބިދާނެއެވެ. އަދި އަތޮޅުތަކުގައި ދިރިއުޅޭ މީހުންނަށް ވެސް އެ ބީދައިން ގެދޮރުވެރިކަން ހަމަޖައްސަވާނެކަމަށް ރައީސް ވިދާޅުވިއެވެ.
ރައީސްގެ ވާހަކަފުޅުގައި ވަނީ އެހެން ސަރުކާރަކުން ވިޔަސް ބަޔަކަށް ދީފައިވާ ގޯއްޗެއް މިސަރުކާރުން އަތުނުލާނެ ކަމަށް ވިދާޅުވެފައެވެ. މީގެ އިތުރުން އިތުރު 57 ރަށެއްގައި ހައުސިންތައް އެޅުމުގެ މަސައްކަތް ކުރިއަށްދާ ކަމަށް ވެސް އެ މަނިކުފާނު ވަނީ ވިދާޅުވެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0