Read Time:2 Minute, 4 Second
(ފޮޓޯ ކްރެޑިޓްސް: ރައީސް އޮފީސް)
ރައްޔިތުންގެ މަޖިލިހުގެ މެމްބަރުންގެ ގޮނޑި ގެއްލޭ ގޮތަށް ގާނޫނުއަސާސީއަށް ގެނައި އިސްލާހުގެ މައްސަލަ ބެލޭނެ ކަމަށް ސުޕްރީމް ކޯޓުން ނިންމުމާ ގުޅިގެން ކެބިނެޓްގެ ކުއްލި ބައްދަލުވުމެއް ބޭއްވި ކަމަށް ބުނެ “އަދަދު” ނޫހުން ދޮގު ހަބަރު ފަތުރައިފިއެވެ. ރައީސް އޮފީހުގެ ތަރުޖަމާނު ހީނާ ވަލީދު ވިދާޅުވީ “ސުޕްރީމް ކޯޓުގެ ނިންމުމަށްފަހު ކުއްލި ކެބިނެޓު ބައްދަލުވުމެއް” މި ސުރުހީގެ ދަށުން “އަދަދު” ނޫހުން ގެނެސްދިން ހަބަރަކީ ކަނޑައެޅިގެން ދޮގު ވާހަކަތައް ހިމެނޭ ހަބަރެއް ކަމަށެވެ.
“އެއްވެސް ސައްހަ ކަމެއް ނެތް މިފަދަ ދޮގު މައުލޫމާތެއް، ރައްޔިތުންނަށް އޮޅޭ ގޮތަށް ގެނެސްދިނުމަކީ ބަލައިގަނެވޭނެ ކަމެއް ނޫން،” ހީނާ ވިދާޅުވިއެވެ. މި މައްސަލަ ރައީސް އޮފީހުގެ ފަރާތުން މޯލްޑިވްސް މީޑިއާ ކައުންސިލަށް ހުށަހަޅުއްވާނެ ކަމަށް ވެސް ހީނާ ވިދާޅުވިއެވެ. މީގެ ކުރިން ވެސް ރައީސް އޮފީހުން ވަނީ “އަދަދު” ނޫހުގެ މައްސަލަތައް މީޑިއާ ކައުންސިލަށް ހުށަހަޅައިފައެވެ. އެކަމަކު، މީޑިއާ ކައުންސިލުން އެ މައްސަލަތައް ބަލައި ފިޔަވަޅު އަޅާ ތަނެއް ނުފެނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0