Read Time:2 Minute, 38 Second
(ފޮޓޯ ކްރެޑިޓްސް: ރައީސް އޮފީސް)
ކުރިއަށް އޮތް ރަމަޟާން މަހު މަޖިލިހުގެ ޖަލްސާތައް ނުބާއްވައި ޗުއްޓީއަށް ދިއުމަށް ނިންމި ނިންމުން ބަދަލުކުރަން ޕީއެންސީގެ ޕާލަމެންޓްރީ ގްރޫޕުން ނިންމައިފިއެވެ. ރަމަޟާން މަހު މަޖިލިހުގެ ޖަލްސާތައް ނުބާއްވަން ނިންމީ ޖަލްސާއަށް ހޭދަވާ ވަގުތު ކުޑަވުމުންނެވެ. އަދި ރޯދަ މަހުގެ ފަހު 10 އަކީ ސަރުކާރު ބަންދު ދުވަސްތަކެއްގެ ގޮތުގައި ކަނޑައަޅާފައި އޮތުމަކީ ވެސް ޖަލްސާތައް ނުބާއްވަން ނިންމި އެއް ސަބަބެވެ. ރޯދަމަހު މަޖިލިސް ޗުއްޓީ އަށް ދިއުމަށާއި އަދި ކޮންމެ އަހަރެއްގެ ވެސް މަޖިލީހުގެ ފުރަތަމަ ދައުރު ޖެނުއަރީ މަހު ފަށާ ގޮތަށް މަޖިލީހުގެ ގަވާއިދު ބަދަލުކުރަން މަޖިލީހުގެ އާންމު ކޮމިޓީން މިދިޔަ ހަފުތާގައި ވަނީ ފާސްކޮށްފައެވެ.
މިއީ ރައްޔިތުންގެ މަޖިލިހުގެ މާފަންނު ދެކުނު ދާއިރާގެ ޕީއެންސީގެ މެމްބަރު އަބްދުﷲ ރިފާއު (ބޮޗޭ) ހުށަހެޅުއްވި އިސްލާހެކެވެ. މަޖިލީހުގެ އާންމު ކޮމިޓީން އެގޮތަށް ފާސްކުރީ ޕީއެންސީ މެމްބަރުންގެ ވޯޓުންނެވެ. އެކަމަކު، އެމްޑީޕީގެ މެމްބަރުން އެކަމާ ދެކޮޅެވެ. މަޖިލީހުގެ ގަވާއިދު ބުނާ ގޮތުން، މަޖިލީހުގެ ދައުރު ބެހިގެން ވަނީ ތިން ބަޔަކަށެވެ. އެގޮތުން ފުރަތަމަ ދައުރު ހިނގާނީ ފެބްރުއަރީ 1 އިން ފެށިގެން މެއި 15 ގެ ނިޔަލަށެވެ. ދެވަނަ ދައުރު ހިނގާނީ 1 ޖޫން އިން 15 އޮގަސްޓްގެ ނިޔަލަށެވެ.
އަދި ތިން ވަނަ ދައުރު ހިނގާނީ 1 އޮކްޓޫބަރުން ނޮވެމްބަރުގެ ނިޔަލަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0