Read Time:2 Minute, 53 Second
ކ. ކުޑަގިރި ފަޅު ތެރެއަށް ދެ މަތިންދާބޯޓު ފައްތައި ޑައިވް ރެކް ސައިޓެއް ތަރައްގީކުރުމުގެ މަސައްކަތް ފަށައިފިއެވެ. އެ މަޝްރޫއު ކުރިއަށް ގެންދަނީ އެމްއެމްޕީއާރްސީ، އެމްޓީސީސީ އަދި އެޗްޑީސީ ގުޅިގެނެވެ. ކުޑަގިރި ފަޅަށް ފައްތަނީ ކުރިން އެއާ މޯލްޑިވްސްގައި ބޭނުންކުރި ޑޯނިއާ ދެ މަތިންދާބޯޓެވެ. އެ މަތިންދާބޯޓުތައް ފެއްތުމުގެ މަސައްކަތުގެ ދަށުން މިހާރު ވަނީ އެ ސަރަހައްދު ސާފުކޮށްފައެވެ. އަދި އެ ބޯޓުތައް ފެއްތުމަށް ވާން ޖެހޭ ތައްޔާރީތައް މިހާރު ދަނީ ވަމުންނެވެ.
އެ މަޝްރޫއުގެ އީއައިއޭ ރިޕޯޓްގައި ވަނީ މަތިންދާބޯޓު ގެންގުޅުމާއި އެއްތަނުން އަނެއް ތަނަށް ގެންދިއުމުގެ ތެރޭގައި މީހަކަށް ސިއްހީ، ޖިސްމާނީ ހާނިކައިގެ ނުރައްކާ ކުރިމަތިވެދާނެ ކަމަށެވެ. އަދި ޑައިވް ސައިޓް ތަރައްގީ ކުރުމުގެ ތެރޭގައި ކަނޑުމަތީގައި މަސައްކަތްކުރާ މީހުންނަށްވެސް ޖިސްމާނީ އަދި ސިއްހީ ހާނިކައިގެ ނުރައްކާވެދާނެ ކަމަށް އޭގައިވެއެވެ.
ރިޕޯޓްގައި ވަނީ މަޝްރޫއުގެ މަސައްކަތުގައި ބައިވެރިވާ މީހުންނަށް ސިއްހީ އަދި ޖިސްމާނީ ގޮތުން ކުރިމަތިވެދާނެ ގެއްލުމުގެ ނުރައްކާ ކުޑަކުރުމަށް ޒިންމާދާރު ފަރާތުން ބައިވެރީންނަށް ރައްކާތެރިކަމާއެކު މަސައްކަތް ކުރުމުގެ އުސޫލުތައް ކިޔައިދީ ތަމްރީނުކުރަންޖެހޭ ކަމަށެވެ. ކުޑަގިރިއަކީ ނިމިދިޔަ ސަރުކާރުން މާލެ ސަރަހައްދުގައި ދިރިއުޅޭ ރައްޔިތުން ދަތުރުދިއުމަށް ތަރައްގީކޮށްފައިވާ ރަށެކެވެ. ޒާމާނީ ފެންވަރަށް ތަރައްގީކޮށްފައިވާ އެ ޕިކްނިކް އައިލެންޑްގައި ދަތުރުވެރިން ގޮސް ތިބޭނެ ކޮޓަރި ވެސް ހުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0