Read Time:3 Minute, 21 Second
(ފޮޓޯ ކްރެޑިޓްސް: ވަގުތު)
މަނާ ތަނެއްގައި ސިނގިރެޓް ބުއިމުން 3،000ރ. އިން ޖޫރިމަނާ ކުރަން ފަށައިފިއެެވެ. ސިއްހީ ވުޒާރާއިން އާއްމުކޮށްފައިވާ ދުންފަތް ކޮންޓްރޯލްކުރުމާ ގުޅޭ އާންމު ގަވާއިދުގައިވާ ދުންފަތުގެ އިސްތިއުމާލު ކުރުން މަނާ ތަންތަން ކަނޑައަޅާފައި ވެއެވެ.
މިގޮތުން މިސްކިތްތަކާއި، ސްކޫލްތަކާއި މި ތަންތަނާއި 25 ފޫޓު ކައިރި ހިސާބުތަކާއި ސްކޫލާއި، މިސްކިތު ދޮރުމައްޗާއި، ސިއްހީ ހިދުމަތް ދޭ ތަންތަނާއި، މަތީތައުލީމުގެ ހިދުމަތް ދޭ ތަންތަނާއި، ކުޑަކުދިން ބަލަހައްޓާ ތަންތަނާއި، ބޭސް ފިހާރަތަކާއި ސިއްހަތާއި ދުޅަހެޔޮކަން ކުރިއަރުވަން ހިދުމަތްދޭ ތަންތަނާއި، ސަރުކާރު އޮފީސްތަކާއި ކުންފުނިތަކުގެ އެތެރެ އާއި ބެލްކަނީގެ އިތުރުން، އޮފީސް ދޮރުމައްޗާއި، ދަތުރުފަތުރުގެ ހިދުމަތް ދޭ އުޅަނދުތަކާއި، އިވެންޓްތައް ބާއްވާ ތަންތަނާއި އަލިފާނުގެ ހާދިސާތައް ހިނގާ ފަދަ ތަންތަނާއި ފިހާރަތައް ހިމެނެއެވެ.
އަދި މި ގަވާއިދާއި ހިލާފުވާނަމަ ފުރަތަމަ ފަހަރު 1،000ރ އިން ޖޫރިމަނާ ކުރުމަށް ކަނޑައަޅާފައި ވެއެވެ. އަދި ދެވަނަ ފަހަރު ނަމަ 2،000ރ އަދި ތިން ވަނަ ފަހަރު ނަމަ 3،000ރގެ ޖޫރިމަނާއެއް ކަނޑައަޅާފައި ވެއެވެ. މުއައްސަސާތަކާއި ވިޔަފާރިތަކުގެ ވެރިފަރާތްތަކާއި އެ ތަންތަން ހިންގާ ފަރާތްތަކާއި ޒިންމާވާ ފަރާތުން ކުށެއް ކޮށްފައިވާ ނަމަ ނުވަތަ މި ގަވާއިދު ތަންފީޒުކުރުމަށް ކުރަންޖެހޭ އެ ތަނެއްގެ ވެރިފަރާތް ނުވަތަ އެތަން ހިންގާ ފަރާތް މަސައްކަތްތައް ނުކުރާ ނަމަ ނުވަތަ ޒިންމާވާ ފަރާތްތަކާއި މެދު ފިޔަަޅު އަޅާނެ ކަމަށްވެސް ބުނެފައި ވެއެވެ. މިގޮތުން ފުރަތަމަ ފަހަރު 3،000ރ އިން ޖޫރިމަނާ ކުރުމަށް ކަނޑައަޅާފައި ވެއެވެ. އަދި ދެވަނަ ފަހަރު ނަމަ 5،000ރ އަދި ތިންވަނަ ފަހަރުން ފެށިގެން ޖޫރިމަނާގެ އަދަދު ކޮންމެ ފަހަރަކު ވެސް ދެގުނައަށް އިތުރުކުރެވޭނެ ކަމަށްވެސް ބުނެފައި ވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0