Read Time:1 Minute, 52 Second
ޖުމްހޫރީ ޕާޓީގެ ލީޑަރު އަދި ރައްޔިތުންގެ މަޖިލިހުގެ މާމިގިލީ ދާއިރާގެ މެމްބަރު ގާސިމް އިބްރާހިމް، އދ.މާމިގިލީ ރައްޔިތުންނަށް މިސްކިތެއް ބިނާކޮށްދެއްވައިފިއެވެ. މަސްޖިދުލް ޛިކުރާ ނަމުގައި ބިނާކޮށްދެއްވި މި މިސްކިތަކީ އެ ރަށުގެ ރައްޔިތުންނާއި ކައުންސިލުގެ އެދިވަޑައިގަތުމުގެ މަތިން ބިނާކޮށްދެއްވި މިސްކިތެކެވެ.
އެ މިސްކިތުގެ ބިންގާ އެޅީ ނިމިދިޔަ އަހަރުގެ ޑިސެމްބަރު މަހުގެ 14 ވަނަ ދުވަހުގައެވެ.އެ މިސްކިތް ބިނާކުރަން ހޭދަވީ އެކު ޖުމުލަ 57 ދުވަސް ކަމަށްވެއެވެ. މާމިގިލި ދާއިރާގެ މެމްބަރުކަން ގިނަ އަހަރުތަކެއް ވަންދެން ކުރައްވަމުން ގެންދަވާ ގާސިމް ގެންދަވަނީ މާމިގިލި އަދި އދ. ފެންފުށި ތަރައްގީއަށް ގިނަ މަސައްކަތްތަކެއް ކުރައްވަމުންނެވެ. އަދި އެ ރަށުގެ ރައްޔިތުންނަށް އެކިއެކި ގޮތް ގޮތުން ދަނީ އެހީތެރިކަން ފޯރުކޮށްދެއްވަމުންނެވެ. ގާސިމަކީ އެ ދެ ރަށުގެ ރައްޔިތުންގެ މެދުގައި ވެސް ވަރަށް ބޮޑު މަގުބޫލުކަމެއް ލިބިފައިވާ ޝަހްސިއްޔަތެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0