Read Time:3 Minute, 17 Second
އިނގިރޭސި ކުލަބު މެންޗެސްޓަރ ޔުނައިޓެޑުގެ އެއް ނަމްބަރު ކީޕަރު އަންދުރޭ އޮނާނާއަށް އެ ކުލަބުގެ ކޯޗު ރުބެން އަމޮރިމް އިތުބާރު ނުކުރާކަމަށް އިނގިރޭސި މީޑިއާތަކުން ރިޕޯޓުކޮށްފިއެވެ. އިޓަލީގެ އިންޓަ މިލާން އިން 2023 ވަނަ އަހަރު 47 މިލިއަން ޕައުންޑަށް މެންޗެސްޓަރ ޔުނައިޓެޑަށް ގެނައި އޮނާނާ އަތުން ގިނަ ގޯލުތަކެއް ވަދެފައިވާއިރު، މެޗުތަކުގައި އޭނާގެ އަތުން ހެދޭ ގޯސްތަކުގެ ސަބަބުން އެ ކުލަބުގެ ގިނަ ސަޕޯޓަރުން އޭނާއަށް އިތުބާރު ނުކުރާއިރު، ކޯޗު އަމޮރިމް ވެސް މިހާރު ބޭނުން ވަނީ އެހެން ކީޕަރެއް ޔުނައިޓެޑަށް ގެނައުމަށް ކަމަށް މީޑިއާތަކުގައި ރިޕޯޓުކޮށްފައިވެއެވެ.
މި ސީޒަންގައި ރަނގަޅު ނަތީޖާތަކެއް ނުނެރެވިގެން އުޅޭ ޔުނައިޓެޑުގެ ގޯލު ބަލަހައްޓަން އޮނާނާ ހުއްޓާ ވިދިވިދިގެން ތިން މެޗުގައި ނުވަ ގޯލު ވަދެފައިވެއެވެ. އިންޓަ މިލާން އިން މެންޗެސްޓަރ ޔުނައިނޓެޑަށް އޮނާނާ ގެނެސްފައިވަނީ މެންޗެސްޓަރ ޔުނައިޓެޑުގެ ކުރީގެ ކޯޗު އެރިކް ޓެން ހާގްއެވެ. ގިނަ ބަޔަކު ބުނަމުން އަންނަނީ އޮނާނާއަށް ގިނަ ގޯސްތަކެއް ހެދެމުން އަންނަނީ އަދިވެސް އޮނާނާ އިނގިރޭސިވިލާތައް ނުހޭނުމުން ކަމަށެވެ. އިނގިރޭސި މީޑިއާތަކުން ބުނާގޮތުގައި މިފަހަރުގެ ޓްރާންސްފާ މާކެޓް ބަންދުވުމުގެ ކުރިން މެންޗެސްޓަރ ޔުނައިޓެޑުން އާ ކީޕަރެއް ހޯދުމުގެ މަސައްކަތް ކުރާނެއެވެ. ޔުނައިޓެޑުން ކީޕަރެއް ހޯދުމުގެ މަސައްކަތް ކުރަމުންދާއިރު، އެ ކުލަބުން އެންމެ ބޭނުން ވަނީ އިނގިރޭސި ކުލަބު ބްރައިޓަންއަށް ކުޅެމުން އަންނަ އުމުރުން 22 އަހަރުގެ ނެދަލެންޑްސްގެ ކީޕަރު ބާޓް ވާބްރަގަންއެވެ.
ވާބްރަގަން ގަތުމަށް މެންޗެސްޓަރ ޔުނައިޓެޑުން 30 މިލިއަން ހަރަދު ކުރުމަށް އެ ކުލަބުން ތައްޔާރު ކަމަށް ވެސް އިނގިރޭސި މީޑިއާ ތަކުން ރިޕޯޓު ކޮށްފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0