Read Time:4 Minute, 3 Second
(ފޮޓޯ ކްރެޑިޓްސް: ވަގުތު)
މިއަހަރުގެ ޖުލައި މަސް ނިމުމުގެ ކުރިން ރ. އަތޮޅާއި ބ. އަތޮޅުގައި އާރުޓީއެލް ސްޕީޑް ފެރީގެ ޚިދުމަތް ފެށިގެން ދާނެ ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ވިދާޅުވެއްޖެ އެވެ. ރ. އުނގޫފާރުގައި މިރޭ ބޭއްވި ޖަލްސާގައި ވާހަކަ ދައްކަވަމުން ރައީސް ވިދާޅުވީ ދަތުރުފަތުރުގެ ނިޒާމަކީ ރާއްޖޭގެ ތަރައްގީއާއި އަތޮޅުތަކުގެ ތަރައްގީއާ ވަރަށް ބޮަޑަށް ގުޅިފައި އޮންނަ ކަމެއް ކަމަށެވެ. އެގޮތުން އާރުޓީއެލްގެ ޚިދުމަތް އަދިވެސް ބައެއް އަތޮޅުތަކުގައި ނުދެވޭ ކަން ފާހަގަކުރައްވައި ރައީސް ވިދާޅުވީ މިއަހަރުގެ ތެރޭގައި އާރުޓީއެލްގެ ޚިދުމަތް ނުދެވޭ ހުރިހާ ހިސާބަކަށް އެ ޚިދުމަތް ފުޅާކޮށް ހުރިހާ ރަށަކަށް އެ ޚިދުމަތް ލިބޭ ގޮތް ހެދުމަކީ އެމަނިކުފާނުގެ އަމާޒެއް ކަމަށެވެ.
އެގޮތުން، އެ ޚިދުމަތް ދެން އެންމެ އަވަހަށް ފަށާނީ ރ. އަތޮޅުގައި ކަމަށާއި އެއަށްފަހު ބ. އަތޮޅުގައި އެ ޚިދުމަތް ފެށުމަށް ހަމަޖެހިފައިވާ ކަމުގައި އެމަނިކުފާނު ވިދާޅުވިއެވެ. ރައީސް ވިދާޅުވި ގޮތުގައި ރ. އަތޮޅުގައ އާރުޓީއެލް ސްޕީޑް ފެރީގެ ޚިދުމަތް ފަށާނީ އަންނަ ޖޫން މަސް ތެރޭގައެވެ. ޖުލައި މަސް ނިމުމުގެ ކުރިން ބ. އަތޮޅުގައިވެސް އެ ޚިދުމަތް ފަށާނެ ކަމަށް ރައީސް ވިދާޅުވިއެވެ.
“އަޅުގަނޑު ކަނޑައަޅާފަ އޮންނާނެ މިއަހަރު ނިމުމުގެ ކުރިން މިގޮތަށް ޚިދުމަތް ނުދެވި ހުރި ހުރިހާ އަތޮޅެއް އިރާދަކުރެއްވިއްޔާ އާރުޓީއެލްގެ ޚިދުމަތް އަޅުގަނޑުމެން ފަށާނަމޭ. އެގޮތުން އެންމެ އަވަހަށް މިޚިދުމަތް ގާއިމް ވެގެންދާނެ އަތޮޅަކީ މިއަތޮޅުކަން (ރ. އަތޮޅުކަން) އަޅުގަނޑު ދަންނަވާލަން. މިއަތޮޅުގަ ޖޫން މަހުގަ. ބ. އަތޮޅުގަ ޖުލައި މަހުގަ” ރައީސް ވިދާޅުވިއެވެ.
އާރުޓީއެލް އަކީ ރައްޔިތުންނަށް ހެޔޮ އަގުގައި ފަސޭހަކަމާއެކު ދަތުރުފަތުރުކުރެވޭނެ ނިޒާމެއް ގާއިމްކުރުމުގެ ގޮތުން މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ، އެމްޓީސީސީ މެދުވެރިކޮށް ސަބްސިޑައިޒްކޮށްގެން ސަރުކާރުން ދެމުން އަންނަ ހައިސްޕީޑް ފެރީގެ ޚިދުމަތެކެވެ. މި ޚިދުމަތުގެ ދަށުން ދެކުނުގެ ހަތަރު އަތޮޅު (ގއ، ގދ، ޏ، ސ.) ވަނީ ގުޅާލާފައެވެ. އަދި އުތުރުގެ ހަތަރު އަތޮޅު ކަމުގައިވާ (ހއ، ހދ، ށ. ނ) ގައިވެސް މި ޚިދުމަތް ވަނީ ފަށާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0