Read Time:3 Minute, 37 Second
(ފޮޓޯ ކްރެޑިޓްސް: ވަގުތު)
މި އަހަރުގެ މިހާތަނަށް ރާއްޖެ އައި ފަތުރުވެރިންގެ އަދަދު 132،000 އަށްވުރެ މައްޗަށް އަރައިފިއެވެ. އެ ވުޒާރާއިން އިއްޔެ އާއްމުކޮށްފައިވާ ތަފާސްހިސާބުތައް ދައްކާގޮތުން ޖެނުއަރީ މަހުގެ 20 ވަނަ ދުވަހުގެ ނިޔަަލަށް ރާއްޖެއަށް 132،235 ފަތުރުވެރިން އައިސްފައި ވެއެވެ. މިދިޔަ އަހަރުގެ އެ މުއްދަތުގައި ރާއްޖެ އައިސްފައި ވަނީ 120،919 ފަތުރުވެރިންނެވެ. މިދިޔަ އަހަރުގެ މި މުއްދަތާ އަޅާކިޔާއިރު، މި އަހަރު މިހާތަަނަށް އައިސްފައިވާ ފަތުރުވެރިންގެ އަދަދު %9.4 އިތުރެވެ.
ތަފާސްހިސާބުތައް ދައްކާގޮތުން ރާއްޖެއަށް އެންމެ ގިނައިން ފަތުރުވެރިން އަންނަ ކަމަށް ދައްކަނީ ރަޝިޔާއިންނެވެ. އެ ގައުމުން ރާއްޖެއަށް 16،073 ފަތުރުވެރިން އައިސްފައިވާއިރު، ލިސްޓުގެ ދެވަނައަށް ޗައިނާ ވަނީ ޖެހިލައިފައެވެ. ޗައިނާއިން 14،208 ފަތުރުވެރިން އައިސްފައިވާއިރު، ލިސްޓުގެ ތިން ވަނައިގައި އޮތް އިޓަލީން 14،053 ފަތުރުވެރިން އައިސްފައި ވެއެވެ. މި މަސް ތެރޭގައި ދުވާލެއްގެ މައްޗަށް ރާއްޖެ އަންނަ ފަތުރުވެރިންގެ އަދަދުތައްވެސް ހުރީ މަތީގައެވެ. މިގޮތުން މި މަހުގެ ގިނަ ދުވަހު ދުވާލެއްގެ މައްޗަށް އަންނަ ފަތުރުވެރިންގެ އަދަދު 6،000 އިން މަތީގައި އުޅޭއިރު، ތިން ދުވަހެއްގައި 8،000 އަށްވުރެ ގިނަ ފަތުރުވެރިން އައިސްފައިވާކަމަށްވެސް ދައްކައެވެ.
އެ ވުޒާރާގެ ތަފާސްހިސާބުތައް ދަައްކާގޮތުން ރާއްޖެ އަންނަަ ފަތުރުވެރިންގެ ތެރެއިން %69.6 މީހުން ދަނީ ރިސޯޓް ތަކަށެވެ. އަދި %25.4 މީހުން ގެސްޓްހައުސްތަކަށް ދާއިރު، ހޮޓަލްތަކަށް ދަނީ %2.5 އިންސައްތަ މީހުންނެވެ. އަދި މިހާތަނަށް ރާއްޖޭގެ 173 ރިސޯޓެއް އަޮޕަރޭޝަނަށް ގެނެސްފައިވާއިރު، 15 ހޮޓަލަކާއި، 816 ގެސްޓްހައުސްއެއްގެ އިތުރުން، 151 ސަފާރީ އުޅަނދު އޮޕަަރޭޝަނަށް ގެެނެސްފައި ވެއެވެ. ފަތުރުވެރިން ރާއްޖެ ގެނައުމަށް މީގެކުރިން ސަރުކާރުން ގިނަ މަސައްކަތްތަކެއް ކޮށްފައިވާއިރު، ފަތުރުވެރިކަމުގެ ދާއިރާ އިން އެކިއެކި ރިކޯޑުތައް ވަނީ ހާސިލްކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0