Read Time:2 Minute, 45 Second
(ފޮޓޯ ކްރެޑިޓްސް: ވަގުތު)
ރ. އުނގޫފާރުގައި މޯލްޑިވްސް އިސްލާމިކް ބޭންކް (އެމްއައިބީ)ގެ އޭޓީއެމް އެއް ބެހެއްޓުމަށް އެކުންފުންޏާއެކު އެއްބަސްވެއްޖެ އެވެ. މި އެއްބަސްވުމުގައި ސޮއިކޮށްފައިވަނީ ރައީސުލްޖުމްހޫރިއްޔާ ޑރ މުޙައްމަދު މުއިއްޒު ރ. އަތޮޅަށް ކުރައްވަމުން ގެންދަވާ ދަތުރުފުޅުގައި މިރޭ އުނގޫފާރުގައި ބޭއްވި ޖަލްސާގައެވެ. އެމްއައިބީގެ ފަރާތުން އެއްބަސްވުމުގައި ސޮއި ކުރެއްވީ މެނޭޖިން ޑައިރެކްޓަރ، މުފައްދަލް އިދްރީސް ޚުމްރީ އެވެ. އުނގޫފާރު ކައުންސިލްގެ ފަރާތުން ސޮއިކުރެއްވީ، ރައީސް، އަބްދުﷲ ރަޝީދެވެ.
ރާއްޖޭގެ ހުރިހާ ހިސާބަކަށް އޭޓީއެމް ހިދުމަތް ފޯރުކޮށްދިނުމަކީ ރައީސް ޑރ. މުއިއްޒު ވަރަށް މުޙިއްމު އަހަމިއްޔަތުކަމެއް ދެއްވާ ސިޔާސަތެކެވެ. އެގޮތުން މި އަހަރު ނިމެންވާ އިރަށް ރާއްޖޭގެ ހުރިހާ ރަށެއްގައި އޭޓީއެމްއެއް ބެހެއްޓުމަކީ ސަރުކާރުގެ އަމާޒެކެވެ. މިވަގުތު ރާއްޖޭގައި ބީއެމްއެލްގެ 190 އޭޓީއެމް ގާއިމުކުރެވިފައިވާއިރު، އަންނަ އަހަރު ނިމުމުގެ ކުރިން، ރާއްޖޭގައި 250 އަށްވުރެ ގިނަ އޭޓީއެމް ގާއިމުކުރުމަކީ ބީއެމްއެލްގެ އަމާޒެކެވެ. ރ. އަތޮޅުގެ ވެރިކަން ކުރާ އުނގޫފާރުގައި މީގެ ކުރިންވެސް ބީއެމްއެލްގެ އޭޓީއެމް އެއް ހުރެ އެވެ.
އުނގޫފާރުގައި އެމްއައިބީގެ އޭޓީއެމެއް ބަހައްޓަން ކައުންސިލާ ހަވާލުކުރި އިރު، ރ. ވާދޫ އާއި ރ. ރަސްގެތީމު އަދި އަނގޮޅިތީމުގައި ބީއެމްއެލްގެ އޭޓީއެމްއެއް ބަހައްޓަން އެ ރަށްރަށުގެ ކައުންސިލްތަކާ މިއަދު ވަނީ ހަވާލުކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0