Read Time:3 Minute, 22 Second
(ފޮޓޯ ކްރެޑިޓްސް: ވަގުތު)
ރ. ރަސްގަތީމުގެ ކައުންސިލްގެ އާ އޮފީސް އިމާރާތް ރައީސުލްޖުމްހޫރިއްޔާ ޑރ، މުހައްމަދު މުއިއްޒު ހުޅުވައިދެއްވައިފިއެވެ. އެ އޮފީސް ރައީސް ހުޅުވައިދެއްވީ މިހާރު ރ. އަތޮޅަށް ކުރައްވަމުން ގެންދަވާ ދަތުރުފުޅުގެ ތެރެއިން މިއަދު ރަސްގަތީމަށް ވަދައިގެންނެވެ. އެ ރަށުގައި އޮތް ހާއްސަ ރަސްމިއްޔާތެއްގައި ރައީސް ވަނީ އެ އޮފީސް އިމާރާތް ހުޅުވައިދެއްވާފައެވެ.
(ފޮޓޯ ކްރެޑިޓްސް: ވަގުތު)
ރަށްރަށުގައި ހުންނަ ކައުންސިލް އިމާރާތްތައް ބާވެފައި ހުރުމުން އެ ތަންތަން ޒަމާނާ އެއްގޮތަށް މަރާމާތު ކުރުމަކީ ރައީސް ޑރ. މުއިއްޒު ވެވަޑައިގެންނެވި ވައުދުފުޅެކެވެ. އެމަނިކުފާނުގެ ވައުދަކީ ފަސް އަހަރު ދުވަހުގެ ތެރޭގައި 120 އަށް ވުރެ ގިނަ ކައުންސިލް އިމާރާތް އެޅުމެވެ.
ރައީސް ޑރ. މުއިއްޒު ވިދާޅުވީ 30 ނޫނީ 40 އަހަރުވެފައިވާ ކައުންސިލް އިމާރާތްތަކަށް ޒިޔާރަތް ކުރެއްވުމުގެ ފުރުސަތު ލިބިވަޑައިގެންނެވި އިރު، އެ ތަންތަން ހުރީ މަރާމާތު ވެސް ކޮށްނުލާ ކަމަށެވެ. އެހެންވެ، ކައުންސިލް އިމާރާތް އެޅުމުގެ މަޝްރޫއު މި އަހަރުގެ ތެރޭގައި ފައްޓަވާނެ ކަމަށް އެމަނިކުފާނު ވިދާޅުވިއެވެ.
ސިޓީސް، ލޯކަލް ގަވަމަންޓް އެންޑް ޕަބްލިކް ވޯކްސް މިނިސްޓަރު އާދަމް ޝަރީފް މީގެކުރިން ވިދާޅުވީ ފާއިތުވި ދުވަސްތަކުގައި ލޯކަލް ކައުންސިލްތަކުގެ އުމްރާނީ ތަރައްގީ އަށް އެއްވެސް ކުރިއެރުމެއް ލިބިފައިނުވާ ކަމަށާއި ކައުންސިލްގެ އިމާރާތްތައް ވެސް ހުރީ ބާވެ ބޮލަށް ވެއްޓޭ ވަރުވެފައި ކަމަށެވެ. އާދަމް ޝަރީފް ވިދާޅުވި ގޮތުގައި މީގެކުރިން ރާއްޖޭގައި އުފެދުނު އެއްވެސް ސަރުކާރަކުން ކައުންސިލްތަކުގެ އުމްރާނީ ތަރައްގީ އަށް މަސައްކަތްކޮށްފައި ނުވެއެވެ. އެހެންވުމުގެ ސަބަބުން އެ އިމާރާތްތައް މިއަދު އެވަނީ ބޮލަށް ވެއްޓޭ ވަރަށް ބާވެފައި ކަމަށް އޭނާ ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0