Read Time:3 Minute, 16 Second
(ފޮޓޯ ކްރެޑިޓްސް: ވަގުތު)
ޗައިނާގެ އެހީގައި އިތުރު 50 ކައުންސިލް އިމާރާތް މި އަހަރު ތެރޭ އަޅަން ނިންމާފައިވާ ކަަމަށް މިނިސްޓްރީ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސްއިން ވިދާޅުވެއްޖެއެވެ. އިއްޔެ ވަނީ މަލޭޝިއާ ކުންފުންޏަކާއެކު 55 ކައުންސިލް އިދާރާ އިމާރާތް ގާއިމް ކުރުމަށް ހަވާލުކޮށްފައެވެ. މި އެއްބަސްވުމުގެ ދަށުން ތަންތަން ނިންމާ ފަރުނީޗަރާއެކު ގާއިމުކުރެވޭނެއެވެ. މި މަޝްރޫއުގެ ތަފްސީލު ދެއްވަމުން މިނިސްޓަރ އާދަމް ޝަރީފް އުމަރު ވިދާޅުވީ، ދެ ބުރިއަށް އިމާރާތްކުރާ 27 ކައުންސިލް އިދާރާ ހިމެނޭއިރު، ދެ ބުރިއަށް އިމާރާތްކުރާ ކައުންސިލް އިދާރާތައް، މަސައްކަތް ފަށާތާ 18 މަސް ދުވަހުގެ ތެރޭގައި އަދި އެއް ބުރީގެ ޢިމާރާތްތައް މަސައްކަތް ފަށާތާ އެއް އަހަރު ދުވަހުގެތެރޭގައި ނިންމޭނެކަމަށް އުންމީދު ކުރެވޭ ކަމަށެވެ.
މިއީ 36 މިލިއަން ޑޮލަރުގެ މަޝްރޫއެކެވެ. އާދަމް ޝަރީފް ވިދާޅުވީ، މި ސޮއިކުރެވޭ ކުރެވޭ 55 ކައުންސިލްގެ އިތުރުން ރައީސް ޑރ. މުހައްމަދު މުއިއްޒު އިތުރު 50 ކައުންސިލް އިދާރާ އެޅުއްވުމުގެ މަޝްރޫއެއް އިއުލާނު ކުރައްވާފައިވާ ކަަމަށެވެ. އަދި ޗައިނާގެ އެހީގައި އަޅުއްވާ އެ ކައުންސިލް އިދާރާތަކުގެ އަމަލީ މަސައްކަތް މިއަހަރު ފެށޭނެ ކަަމަށްވެސް މިނިސްޓަރ ވިދާޅުވިއެވެ. މި ދެ މަޝްރޫއު ނިމޭއިރު ރައީސް މުއިއްޒުގެ ޒައާމަތުގައި ރާއްޖޭގެ ކައުންސިލް އިދާރާތަކުގެ 71 އިންސައްތަ މުޅިން އައު ކުރެވޭނެއެވެ
”ކައުންސިލް އިދާރާތައް ބިނާކުރުމުގެ މި މަޝްރޫޢުގެ ސަބަބުން ލާމަރުކަޒީ ނިޒާމު ހަރުދަނާވެ، ކައުންސިލަރުންނަށް މަސައްކަތް ކުރެވޭނެ މާޙައުލެއް އުފެދިގެންދާނެއެވެ. ރައްޔިތުންނާ ގާތުން މަސައްކަތް ކުރުމަށް ކައުންސިލްތަކަށް މަގުފަހިވެގެންދާނެއެވެ،”. މިނިސްޓަރ ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0