Read Time:3 Minute, 48 Second
(ފޮޓޯ ކްރެޑިޓްސް: ވަގުތު)
ޗައިނާއާއި ރާއްޖެއާ ދެމެދު ވެފައިވާ މިނިވަން ވިޔަފާރީގެ އެއްބަސްވުމުގެ ދަށުން މިއަހަރުގެ މިހާތަނަށް 1.9 މިލިއަން ރުފިޔާގެ މުދާ އެތެރެކޮށްފައިވާ ކަމަށް ކަސްޓަމްސް އިން ހާމަކޮށްފިއެވެ. ކަސްޓަމްސް އިން ހާމަކުރި ތަފާސްހިސާބުތަކަށް ބަލާއިރު، މިއަހަރުގެ ފުރަތަމަ 18 ދުވަހުގެ ތެރޭ، މިނިވަން ވިޔަފާރީގެ އެއްބަސްވުމުގެ ދަށުން ޗައިނާއިން ރާއްޖެ އެތެރެކޮށްފައިވާ 1.9 މިލިއަން ރުފިޔާގެ މުދަލުގެ ކްލިއަރެންސް ވަނީ ހަދާފައެވެ. އޭގެ ތެރޭގައި ހިމެނެނީ ވައިގެ މަހުން ގެނައި ނުވަ ޝިޕްމެންޓަކާއި ކަނޑުމަގުން ގެނައި ތިން ޝިޕްމެންޓެވެ.
ވައިގެ މަގުން ގެނެސްފައިވާ ނުވަ ޝިޕްމެންޓުގެ ސީއައިއެފް ވެލިއު އަކީ 882،381 ރުފިޔާ އެވެ. ކަނޑުމަގުން ގެނައި ތިން ޝިޕްމެންޓުގެ ސީއައިއެފް ވެލިއުއަކީ 1،040،875 ނުވަތަ 1.04 މިލިއަން ރުފިޔާ އެވެ. ރާއްޖެ އާއި ޗައިނާގެ މިނިވަން ވިޔަފާރީގެ އެއްބަސްވުމުގައި އެ ގައުމުން ސޮއިކުރީ ކުރީގެ ރައީސް އަބްދުﷲ ޔާމީން ޗައިނާ އަށް ކުރެއްވި ދަތުރުފުޅުގައި ޑިސެމްބަރު 18، 2014 ގައެވެ. އޭރުގެ އިދިކޮޅު ފަރާތްތަކުން ދެކޮޅު ހަދަމުން ދަނިކޮށް އެ އެއްބަސްވުމަށް ރުހުންދީ، އެކަން ކުރިއަށް ގެންދަން މަޖިލީހުން ފާސްކުރީ ޕީޕީއެމް/އެމްޑީއޭ ކޯލިޝަންގެ އަޣުލަބިއްޔަތު އޮތް މަޖިލިހުން ނޮވެމްބަރު 29، 2017 ގައެވެ.
ކުރީގެ ސަރުކާރުގައި ތިއްބެވި އޭރުގެ އިދިކޮޅު ބޭފުޅުން އެންމެ ބޮޑަށް ފާޑުކިޔަމުން ދިޔައީ އެފްޓީއޭގެ ސަބަބުން ރާއްޖެއަށް ފައިދާ ނުވާނެ ކަމަށް ބުނެއެވެ. އެހެންވެ، މިދިޔަ ސަރުކާރުން އެ އެއްބަސްވުން ތަންފީޒުކޮށްފައެއް ނުވެއެވެ. ވިޔަފާރީގެ ދާއިރާއަށް ލުއިފަސޭހަތައް ގެނައުމަށްޓަކައި، ރާއްޖެއާއެކު ވިޔަފާރީގެ މުއާމަލާތްތައް ގިނަ އަދަދަކަށް ހިންގާ ބޮޑެތި މާކެޓްތަކާއެކު މިފަދަ ކަރަންސީ ސެޓްލްމަންޓް އެރޭންޖްމަންޓްތައްް ހެދުމަކީ ރައީސް ޑރ. މުއިއްޒުގެ ސަރުކާރުން އިސްކަން ދެއްވާ ކަމެކެވެ. އެގޮތުން މި އެއްބަސްވުމަށް އެމަނިކުފާނުގެ ސަރުކާރުގައި މިއަހަރުގެ ޖެނުއަރީ މަހުގެ 1 ވަނަ ދުވަހުން ވަނީ އަމަލުކުރަން ފަށާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0