މިދިޔަ އަަހަރު ސަރުކާރުން ނުވަ ލޯނަކަށް 5.2 ބިލިއަން ރުފިޔާ ނެގި

Read Time:3 Minute, 38 Second

(ފޮޓޯ ކްރެޑިޓްސް: ވަގުތު)

މިދިޔަ އަހަރުގެ ތެރޭގައި ސަރުކާރުން ވަނީ ނުވަ ލޯނެއް ނަގާފައިވާ ކަމަށާއި އެ ލޯނުތަކަށް ޖުމްލަ 5.2 ބިލިއަން ރުފިޔާ އަރާކަމަށް ފިނޭންސް މިނިސްޓްރީއިން ވިދާޅުވެއްޖެއެވެ. ފިނޭންސް މިނިސްޓްރީއިން އާންމުކޮށްފައިވާ ތަފާސްހިސާތަކުން ދައްކާ ގޮތުގައި ސަރުކާރުން ވަނީ މިދިޔަ އަހަރުގެ ތެރޭގައ ސައުދީ ފަންޑު ފޯ ޑިވެލޮޕްމެންޓުން 2.3 ބިލިއަން ރުފިޔާގެ ލޯނެއް ނަގާފައެވެ. އެއީ މިދިޔަ އަހަރު ސަރުކާރުން ނެގި އެންމެ ބޮޑު ލޯނެއެވެ. އެ ލޯނުގެ އިތުރުން ޗައިނާގެ އެގްޒިމް ބޭންކުން 1.2 ބިލިއަން ރުފިޔާގެ ލޯނެއް ނަގާފައިވާއިރު އިސްލާމިކް ޑިވެލޮޕްމެންޓް ބޭންކް (އައިޑީބީ) އިން 617 މިލިއަން ރުފިޔާ ލޯނެއް ނަގާފައިވެއެވެ. ޗައިނާގެ އެގްޒިމް ބޭންކުން ލޯނު ނަގާފައިވަނީ ވީއައިއޭ ތަރައްގީކުރުމުގެ ޕްރޮޖެކްޓް ރީފައިނޭންސްކޮށް އަޕްގްރޭޑްކުރުމަށެވެ. އަދި އައިޑީބީއިން ލޯނު ނަގާފައިވަނީ ކުދި އަދި މެދުފަންތީގެ ވިޔަފާރިތައް ފައިސާ ހަމަޖައްސައިދިނުމަށެވެ.

ފިނޭންސް މިނިސްޓްރީއިން އާންމުކޮށްފައިވާ މައުލޫމާތަށް ބަލާއިދު މިދިޔަ އަހަރުގެ ތެރޭފައި ސަރުކާރުން ވަނީ ސައުދީ ފަންޑު ފޯ ޑިވެލޮޕްމެންޓުން 771 މިލިއަން ރުފިޔާގެ ލޯނަކާއި 1.5 ބިލިއަން ރުފިޔާގެ ލޯނެއްވެސް ނަގާފައެެވެ. އަދި ޗައިނާ އެގްޒިމް ބޭންކުން 1.2 ބިލިއަން ރުފިޔާ ލޯނެއް ވެސް ނަގާފައިވެއެވެ އޭގެ އިތުރުން އިސްލާމިކް ޑިވެލޮޕްމެންޓް ބޭންކުން 154 މިލިއަން ރުފިޔާގެ ލޯނަކާއި 463 މިލިއަން ރުފިޔާގެ ލޯނެއް ވެސް ނަގާފައިވެއެވެ.

ކުވައިތު ފަންޑު ފޯ އަރަބް އިކޮނޮމިކް ޑިވަލޮޕްމެންޓް 154 މިލިއަން ރުފިޔާގެ ލޯނެއް ނަގާފައިވާއިރު އޭޝިއަން އިންފްރާސްޓްރަކްޗާ ޑިވެލޮޕްމެންޓް ބޭންކުން 231 މިލިއަން ރުފިޔާގެ ލޯނެއް ނަގާފައިވެއެވެ. އަދި އޭޝިއަން ޑިވެލޮޕްމެންޓް ބޭންކު (އޭޑީބީ)އިން 62 މިލިއަން ރުފިޔާގެ ލޯނަކާއި އަބޫދާބީ ފަންޑު ފޯ ޑިވެލޮޕްމެންޓުން 617 މިލިއަން ރުފިޔާގެ ލޯނެއް ވެސް ސަރުކާރުން ވަނީ ނަގާފައިވެއެވެ.