ޑިވެލޮޕްމެންޓް ބޭންކްގެ މަސައްކަތް ދަނީ ޝެޑިއުލާ އެއްގޮތަށް: ސައީދު

Read Time:3 Minute, 12 Second

(ފޮޓޯ ކްރެޑިޓްސް: ވަގުތު)

ޑިވެލޮޕްމެންޓް ބޭންކް އޮފް މޯލްޑިވްސްގެ މަސައްކަތް ދަނީ ޝެޑިއުލާއި އެއްގޮތަށް ކަމަށް އިގްތިސާދީ ތަރައްގީ އާއި ވިޔަފާރިއާ ބެހޭ ވަޒީރު މުހައްމަދު ސައީދު ވިދާޅުވެއްޖެއެވެ. ވަޒީރު ސައީދު އެކްސްގައި ކުރެއްވި ޕޯސްޓެއްގައި ވިދާޅުވީ ޑިވެލޮޕްމެންޓް ބޭންކުގެ މަސައްކަތް ކުރިއަށްދަނީ ތިން ފޭސް ނުވަތަ ތިން މަރުހަލާއަކަށް ބަހާލައިގެން ކަމަށެވެ. އެގޮތުން ފުރަތަމަ މަރުހަލާގެ މަސައްކަތް ޝެކިއުލާއި އެއްގޮތަށް ކުރިއަށްދާ ކަމަށް ވިދާޅުވިއެވެ. ސައީދު ވިދާޅުވީ ޑިވެލޮޕްމެންޓް ބޭންކުގައި މޮޑެލްގައި އިންސްޓިޓިއުޝަނަލް އިންވެސްޓަރުން ހޯދުމަށާއި ބޮޑެތި އިންފްރާސްޓްރަކްޗާ މަޝްރޫއުތަކަށް އިސްކަންދީފައިވާ ކަމަށެވެ. އަދި ފަހުން ރީޓެއިލް ހިދުމަތްތައް ތައާރަފް ކުރުމުގެ ޕްލޭންތައް ވެސް ސަރުކާރުން ރާވާފައިވާ ކަމަށެވެ.

“އެކި މަރުހަލާތަކަކަށް ބަހާލައިގެން ކުރިއަށް ގެންދާ މި މަޝްރޫއަކީ އިގްތިސާދު ހަމައަކަށް އެޅުވުމާއި ހަރުދަނާ ކުރުމަށް ކުރެވޭ، ފުޅާކުރުމަށް ކުރާ މަސައްކަތްތަކެއް.” ސައީދު ވިދާޅުވިއެވެ. ސައީދުގެ ވިދާޅުވީ ނިމިދިޔަ ސަރުކާރުގެ ޒިންމާދާރުކަން ކުޑަވުމުގެ ސަބަބުން ގައުމު ވެއްޓިފައިވާ އަދަވަޅުން އަރައިގަތުމަށް ކުރަމުންދާ މަސައްކަތްތަކުގެ ތެރެއިން ޑިވެލޮޕްމެންޑް ބޭންކަކީ އެންމެ މުހިންމު އެއް މަޝްރޫއު ކަމަށެވެ. ރައީސް ޑރ. މުއިއްޒުގެ ރިޔާސީ ވައުދުފުޅާ އެއްގޮތަށް ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑް އުފެއްދެއްވީ މިދިޔަ އަހަރުގެ މެއި 16 ވަނަ ދުވަހުގައެވެ.

ޑިވެލޮޕްމަންޓް ބޭންކްގެ ޗެއަރޕަރސަންގެ ކަމުގެ މަގާމަށް އަރޫނީ ގޫނަތިލަކަ އަދި ސީއީއޯގެ މަގާމަށް ނޮއެލް ގްރެގަރ ޕެޓަރސަން-ޖޯންސް އައްޔަން ކުރައްވާފައިވެއެވެ.