Read Time:2 Minute, 37 Second
(ފޮޓޯ ކްރެޑިޓްސް: ވަގުތު)
ރާއްޖޭގެ ގައުމީ އެއާލައިން، މޯލްޑިވިއަންގެ އައު ވައިޑްބޮޑީ އޭ330 އިން ޗައިނާ އަށް ކުރާ ދަތުރުތަކުގެ އަގުތައް އާންމު ކޮށް ބުކިން އަށް ހުޅުވާލައިފިއެވެ. މޯލްޑިވިއަންގެ ފުރަތަމަ ވައިޑް-ބޮޑީ އެއާކްރާފްޓް، އޭ330 މަތިންދާބޯޓުން ޗައިނާ އަށް ދަތުރުތައް ފެށުމަށް ހަމަޖެހިފައި ވަނީ މިމަހުގެ 22 ވަނަ ދުވަހުއެވެ. ވައިޑް ބޮޑީގެ ފުރަތަމަ ދަތުރު އޮތީ ޗައިނާގެ ޗެންގްޑޫ އަށެވެ. އެއީ ދެކޮޅަށް 688 ޑޮލަރު (10،610ރ.) އެވެ. އެ ސިޓީ އަށް ކުރާ ފުރަތަމަ ދަތުރު އޮންނާނީ މި މަހުގެ 22 ގަ އެވެ.
މޯލްޑިވިއަން އިން އާންމުކޮށްފައިވާ ގޮތުން ޗައިނާގެ ބެއިޖިންގެ ދަތުރު އޮންނާނީ މިމަހުގެ 24 ވަނަ ދުވަހުއެވެ. ބެއިޖިން އަށް ދެކޮޅު ޓިކެޓްގެ އަގަކީ 788 ޑޮލަރު (12،151ރ.) އެވެ. މިމަހުގެ 27 ގައި ޗައިނާގެ ޝެންހާއީއަށް ސީދާ ދަތުރު ފެށުމަށް ހަމަޖެހިފައިވާއިރު އެ މަންޒިލަށް ދެކޮޅު ޓިކެޓުގެ އަގަކީ 777 ޑޮލަރު (11،981ރ.) އެވެ. މި ބޯޓްގައި ތިން ކްލާހެއް ހިމެނެެއެވެ. އެއީ ބިޒްނަސް އަށް 18 ގޮނޑި އާއި ފްރިމިއަމް އެކޮނަމީއަށް 36 ގޮނޑިއާއި އިކޮނޮމީ ކުލާހުގައި 210 ގޮނޑި ހިމެނެއެވެެ. އެހެންކަމުން މިއީ ޖުމްލަ 264 ގޮނޑި ހުންނަ މަތިންދާބޯޓެކެވެ.
މޯލްޑިވިއަންގެ އާ މަތިންދާބޯޓު އޭ330 ރާއްޖެ އަށް ގެނެސްފައިވަނީ މިމަހުގެ 6 ވަނަ ދުވަހު އެވެ. މިއީ އެއްވެސް ތަނަކަށް ނުޖަހައްސައި 13،000 ކިލޯމީޓަރުގެ ރާސްތާއަށް ސީދާ ދަތުރުކުރުމުގެ ކުޅަދާނަކަން ލިބިފައިވާ ބޯޓެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0