Read Time:2 Minute, 42 Second
(ފޮޓޯ ކްރެޑިޓްސް: ވަގުތު)
ކުދި ގައުމުތަކުގެ މިނިވަންކަމަށް ބުރޫއަރާ ހާލަތްތަކުގައި ރާއްޖެއިން އަބަދުވެސް ނަގާނީ ޕްރިންސިޕަލް ސްޓޭންޑެއް ކަމަށް ފޮރިން މިނިސްޓަރު ޑރ. އަބްދުﷲ ހަލީލް ވިދާޅުވެއްޖެއެވެ. އެކްސްގައި ކުރެއްވި ޕޯސްޓެއްގައި މިނިސްޓަރު ވިދާޅުވީ ބައިނަލްއަގްވާމީ މައިދާނުގައި ރާއްޖެއިން ގެންގުޅޭ ސިޔާސަތުތައް ބަދަލު ނުވާ ކަމަށެވެ. އދގައި ރާއްޖެއިން ވޯޓު ދެމުންދާގޮތް ބައްލަވާލެއްވުމުން އެކަން ސާފުވާނެ ކަމަށެވެ.
“ކުދި ގައުމުތަކުގެ މިނިވަންކަމާއި ސިޔާދަތާއި އިސްތިގްލާލަށް ބުރޫއަރާ ފަދަ ހާލަތްތަކުގައި ރާއްޖެއިން އަބަދުވެސް ނަގަނީ ޕްރިންސިޕަލް ސްޓޭންޑެއް.” ހަލީލް ވިދާޅުވިއެވެ. ހަލީލް ވިދާޅުވީ ރާއްޖޭގެ ހާރިޖީ ސިޔާސަތު ބިނާވެގެންވަނީ އެއްވެސް ގައުމަކާ ހަތުރުވެރި ނުވެ ދިވެހި ރައްޔިތުންނަށް ލާބައާއި މަންފާ ލިބޭ ގޮތަށް އަދި ރާއްޖޭގެ މިނިވަންކަމާ ސިޔާދަތަށް ބުރޫ ނާރާގޮތަށް ހުރިހާ ގައުމަކާއެކީވެސް ގާތް ގުޅުން ބޭއްވުމުގު މައްޗަށް ކަމަށެވެ.
ރާއްޖެއަށް ގެންދަނީ ގިނަ ގައުމުތަކާއިއެކުގައި ހާރިޖީ ގުޅުން ބޭއްވުމަށް ގިނަ މަސައްކަތްތަކެއް ކުރަމުންނެވެ. އެގޮތުން ރައީސް މުއިއްޒު ގެންދަވަނީ މީގެ ކުރިން ދިވެހި ސަރުކާރުން ވަޑައިގަންފައިނުވާ އެކި ގައުމުތަކަށް ވަޑައިގަނެ އެ ގައުމުތަކާއިއެކު ގުޅުން ބަދަހި ކުރަމުންނެވެ. އެގޮތުން މިހާރު އެމަނިކުފާނު އެސްޓޯނިއާއަށް ކުރައްވަމުންގެންދާ ދަތުރުފުޅު ފާހަގަކުރެވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0