Read Time:2 Minute, 17 Second
(ފޮޓޯ ކްރެޑިޓްސް: ވަގުތު)
މިއަހަރުގެ ފެބްރުވަރީ ހައެއް (6)ވާ ބުރާސްފަތި ދުވަހަކީ ސަރުކާރު ބަންދު ދުވަހެއް ކަމުގައި ކަނޑައަޅުއްވައިފިއެވެ. ރައީސް އޮފީހުން ވިދާޅުވި ގޮތުގައި އެދުވަސް ބަންދު ދުވަހެއްގެ ގޮތުގައި ކަނޑައެޅުއްވީ، އެއީ ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ރައްޔިތުންގެ މަޖިލީހުގައި މިއަހަރުގެ ރިޔާސީ ބަޔާން އިއްވާ ދުވަސް ކަމަށްވާތީ އެވެ.
މީގެ ކުރީ އަހަރުތަކުގައިވެސް ރިޔާސީ ބަޔާން އިއްވާ ދުވަހަކީ ސަރުކާރު ބަންދު ދުވަސްތައް ކަމުގައި ވަނީ ކަނޑައަޅުއްވާފައެވެ. ރައީސް އޮފީހުން މިއަދު ވިދާޅުވީ ޤާނޫނު އަސާސީގެ 84 ވަނަ މާއްދާގައިވާ ގޮތުގެ މަތިން ރައްޔިތުންގެ މަޖިލީހަށް ރައީސުލްޖުމްހޫރިއްޔާ ރިޔާސީ ބަޔާން އިއްވާ ދުވަހަކީ ސަރުކާރު ބަންދު ދުވަހެއް ކަމުގައި ކަނޑައަޅައި އެގޮތަށް ހަމަޖައްސަވާފައިވާ ކަމަށެވެ. ރިޔާސީ ބަޔާނަކީ އެއަހަރަކު ސަރުކާރުން ކުރިއަށް ގެންދާ ތަރައްގީގެ މަޝްރޫއުތަކާއި ސަރުކާރުގެ އެއަހަރެއްގެ ސިޔާސަތުތައް ބައްޓަންވެގެންވާ ގޮތުގެ މައްޗަށް ބިނާކޮށް، އެއިރެއްގެ ރައީސަކު ރައްޔިތުންގެ މަޖިލީހަށް އިއްވާ ބަޔާނެކެވެ. މިއަހަރުގެ ބަޔާން އިއްވަން ހަމަޖެހިފައިވަނީ އަންނަ ފެބްރުވަރީ މަހުގެ ހަ ވަނަ ދުވަހު އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0