Read Time:2 Minute, 59 Second
(ފޮޓޯ ކްރެޑިޓްސް: އެރޮން ޔޫއާރްބީ)
ޕަބްލިކް އަދި ޕްރައިވެޓް ސެކްޓާގައި ޑިޖިޓަލް ކުރިއެރުން ހޯދުމަށް އެސްޓޯނިއާއިއެކު ގާތުން މަސައްކަތް ކުރައްވާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ. ރައީސް މުއިއްޒު އެކްސްގައި ކުރެއްވި ޕޯސްޓެއްގައި ވިދާޅުވީ އިއްޔެ ޑިޖިޓަލް ކައުންސިލްގެ މެންބަރުންނާއެކު ބޭއްވި މަޝްވަރާތަކަށް އެ ގައުމުގެ ރައީސް ޑރ. އަލާރުއަށް ޝުކުރު އަދާކުރައްވާ ކަމަށެވެ. އެސްޓޯނިއާއިން ހޯދާފައިވާ ޑިޖިޓަލް ކުރިއެރުމާއި ސްޓާޓްއަޕް އެކޯސިސްޓަމަކީ ރާއްޖޭގެ ޑިޖިޓަލް ޓްރާންސްފޮމޭޝަނަށް ލިބިގެންދާ ހިތްވަރެއް ކަމަށް ވެސް ވިދާޅުވިއެވެ.
“ޕަބްލިކް އަދި ޕްރައިވެޓް ސެންޓާގައި ޑިޖިޓަލް ކުރިއެރުން ހޯދުމަށް އެސްޓޯނިއާއެކު ގާތުން މަސައްކަތް ކުރާނަން.” ރައީސް ވިދާޅުވިއެވެ. ރައީސް ޑރ. މުއިއްޒު އެސްޓޯނިއާއަށް މިހާރު ކުރައްވަމުން ގެންދަވާ ރަސްމީ ދަތުރުފުޅަކީ އެ ގައުމުުގެ ރައީސް ޑރ.އަލާރް ކަރިސްގެ ދައުވަތަކަށް ކުރައްވާ ރަސްމީ ދަތުރުފުޅެކެވެ. އެމަނިކުފާނުގެ އަރިހުގައި ރާއްޖޭގެ ޓެކް ކޮމިއުނިޓީގެ މަންދޫބުން ހިމެނޭ ގޮތަށް މަތީ ފަންތީގެ ވަފުދެއް ބައިވެރިވެވަޑައިގަންނަވައެވެ.
އެސްޓޯނިއާ 1991 ގައި މިނިވަންވީ ފަހުން އެ ގައުމުން އެންމެ ބޮޑަށް މަސައްކަތް ކުރި އެއް ކަމަކީ އީޖާދީ ވިސްނުމުގެ ތެރެއިން ޑިޖިޓަލް އިގްތިސާދެއް ގާއިމު ކުރުމެވެ. ޓެކްނޮލޮޖީ ދާއިރާ އިން ރައްޔިތުން ބާރުވެރިކޮށް، އިގުތިސާދު އަލުން ކޮޅަށް ޖެހުމުގެ ބުރަ މަސައްކަތް ކާމިޔާބުކޮށް މިހާރު އެސްޓޯނިއާއަކީ ދުނިޔޭގެ އެންމެ ކުރިއަރާފައިވާ ޑިޖިޓަލް ގައުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0