Read Time:4 Minute, 27 Second
(ފޮޓޯ ކްރެޑިޓްސް: ވަގުތު)
ރާއްޖެ އިން ޗައިނާއާ އެކުގައި ސޮއިކުރި ފްރީ ޓްރޭޑް އެގްރީމަންޓް (އެފްޓީއޭ)ް އަމަލުކުރަން ފަށައިފިއެވެ.
މިނިވަން ވިޔަފާރީގެ އެއްބަސްވުމަށް އަމަލް ކުރަން ފެށުމާ ގުޅިގެން ބޭއްވި ރަސްމިއްޔާތުގައި އިކޮނޮމިކް މިނިސްޓަރު މުހައްމަދު ސައީދު ވިދާޅުވީ މިއަދަކީ ރާއްޖޭގެ ތާރީހުގައި ވަރަށް މުހިންމު ދުވަހެއް ކަމަށާއި ދެ ގައުމުގެ މެދުގައި ކަރަންޓް އެކައުންޓް މުއާމަލާތްތަކާއި ސީދާ އިންވެސްޓްމަންޓްތައް ދެގައުމުގެ ފައިސާއިން ހިންގުމަށް މަގުފަހިކޮށްދޭ އޮނިގަނޑެއް ގާއިމުކުރެވި، ދެ ގައުމުގެ މެދުގައި ވިޔަފާރިއާއި އިންވެސްޓްމަންޓްގެ ގުޅުންތައް އިތުރަށް ހަރުދަނާވެގެންދާނެ ކަމަށެވެ.
ސައީދު އިތުރަށް ވިދާޅުވީ 2024 ވަނަ އަހަރުގެ ޖެނުއަރީ މަހުގެ ތެރޭގައި ޗައިނާއަށް ރައީސް ޑރ.މުހައްމަދު މުއިއްޒު ކުރެއްވި ދަތުރުފުޅުގައި، ދެޤައުމުގެ ދެމެދުގައި އޮތް ގާތް ގުޅުމުގެ އާ ބާބެއް ފެށުނު އިރު، މި ގުޅުން އިތުރަށް ބަދަހިކުރެއްވުމާ ބެހޭގޮތުން މަޝްވަރާކުރެއްވި ކަމަށެވެ. އަދި އެއްބަސްވުމަށް ޢަމަލުކުރަން ފަށާނީ، ކުޑަ ބޮޑުމިނަކަށް ބެލުމެއްނެތި، ތަރައްޤީގެ އޮރިއެންޓޭޝަނަށް ބެލުމެއްނެތި، ސުލްޙަވެރި އެއްބައިވަންތަކަމުގެ ރޫޙުގައި، ރަނގަޅު ނަތީޖާ ތައް ނެރުމަށް ކަމަށެވެ.
(ފޮޓޯ ކްރެޑިޓްސް: ވަގުތު)
މި އެއްބަސްވުމަށް އަމަލުކުރަން ފެށުމާއެކުގައި ޑޮލަރުން ފައިސާ ނުދައްކައި ދިވެހި ރުފިޔާ އިން ވަރަށް ގިނަ ކަންތައްތަކެއް ކުރެވިގެންދާނެ އެވެ. އޭގެ ތެރޭގައި ދިވެހިން ދަތުރުފަތުރު ކުރުމުގައި ލިބިގެންދާ ލުއިތަކާއި ހިދުމަތް ހޯދުމުގައި ދިވެހި ފައިސާ އިން ދެއްކޭނެ ގޮތް މެދުވެރިވުމާއި މުދާ ގަތުމުގައި ޑޮލަރަށް ބަރޯސާވާ މިންވަރު ކުޑަވެ، ވިޔަފާރިވެރިންނާއި ޗުއްޓީ ހޭދަކުރުމަށް ޗައިނާ އަށް ދާ ދިވެހިން ޑޮލަރުން މުއާމަލާތް ކުރުމުގެ ބަދަލުގައި ދިވެހި ރުފިޔާ އިން މުއާމަލާތް ކުރުމަށް މަގުފަހިވެގެންދިއުން ހިމެނެއެވެ.
ހަމައެއާއެކު ޗައިނާއިން ރާއްޖެއަށް އެތެރެކުރާ މުދަލުގެ %91 ބާވަތުން ޑިއުޓީ ދައްކަންވެސް ނުޖެހޭނެއެވެ. ޑިއުޓީ ނުދައްކައި، ދިވެހި ރުފިޔާއިން ޗައިނާ އިން މުދާ ގަނެވޭ ގޮތް ވުމުން، ދިވެހި ވިޔަފާރިތަކަށް ވަރަށް ބޮޑު ލުޔެއް ލިބޭނެ ކަމަށް ސައީދު ވަނީ މީގެކުރިން ވިދާޅުވެފައެވެ. އަދި ޓެރިފް ލައިން ސުމަކަށް ދިއުމުން ޗައިނާ އިން ރާއްޖެ އަށް އެތެރެ ކުރާ ތަކެތީގެ އަގުތައް ވެސް ހެޔޮވެގެންދާނެ ކަމަށް ސައީދު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0