ޓޫރިޒަމް ޕްރޮމޯޓްކުރަން އަންނަ އަހަރު ޑިޖިޓަލް ކެމްޕެއިންތަކަށް ހާއްސަ އިސްކަމެއް ދެނީ

Read Time:4 Minute, 18 Second

(ފޮޓޯ ކްރެޑިޓްސް: ވަގުތު)

އަންނަ އަހަރު ރާއްޖޭގެ ޓޫރިޒަމް ޕްރޮމޯޓްކުރުމަށް އެންމެ ބޮޑު އިސްކަމެއް ދޭނީ ޑިޖިޓަލް ކެމްޕޭންތަކެއް ހިންގުމަށް ކަމަށް މޯލްޑިވްސް މާކެޓިން އެންޑް ޕީއާރް ކޯޕަރޭޝަން (އެމްއެމްޕީއާރްސީ) އިން ބުނެފިއެވެ.

އެ ކުންފުނިން އިއްޔެ ބޭއްވި ނޫސްވެރިންގެ ބައްދަލުވުމުގައި އެމްއެމްޕީއާރްސީގެ ޗެއާޕާސަން އަބްދުﷲ ގިޔާސް ވިދާޅުވީ ޑިޖިޓަލް ކެމްޕޭންތަކުގެ ސަބަބުން ޚަރަދުތައް ވެސް ކުޑަކުރެވިގެންދާނެ ކަމަށެވެ. އަދި މީގެ ކުރިން ކޮންމެ އަހަރަކު ވެސް ވަސީލަތްތަކުގެ 80 ޕަސެންޓް ބޭނުންކުރެވެނީ ޓްރެވެލް ޓްރޭޑް ފެއާތަކަށް ކަމަށާއި، އަންނަ އަހަރު ބޮޑަށް އިސްކަންދޭނީ ޑިޖިޓަލީ ޑްރިވެން ކެމްޕޭންތަކަށް ކަމަށް އޭނާ ވިދާޅުވިއެވެ.

“އެމްއެމްޕީއާރްސީން ދާދި ފަހުން ހިންގި އޮންލައިން މިނީ”މީގެ ކުރިން އަޅުގަނޑުމެން ފާހަގަކޮށްފައި ވާނެ، ކޮންމެ އަހަރަކު ވެސް އަޅުގަނޑުމެންގެ ވަސީލަތްތަކުގެ 80 ޕަސަންޓް މި ބޭނުން ކުރެވޭނީ ޓްރެވެލް ޓްރޭޑް ފެއާތަކަށް. މިއަންނަ އަހަރު އަޅުގަނޑުމެން ބޮޑަށް އިސްކަން މި ދެ ޑިޖިޓަލީ ޑްރިވެން ކެމްޕެއިންތަކަކަށް،” އަބްދުﷲ ގިޔާސް ވިދާޅުވި އެވެ.

ކެމްޕޭނެއްގެ ތެރެއިން އެއް މަސްދުވަހުގެ ތެރޭގައި 22 މިލިއަން އިމްޕްރެޝަން ލިބިފައިވާ ކަމަށް ވެސް ގިޔާސް ފާހަގަކުރެއްވިއެވެ. މި ކާމިޔާބީއަށް ބިނާކޮށް، ސޯޝަލް މީޑިއާގެ އެކި ޕްލެޓްފޯމްތަކާއި ބުކިން ޕްލެޓްފޯމްތަކާ ގުޅިގެން މާކެޓިން ކެމްޕޭންތައް އަންނަ އަހަރު ވަރަށް ފުޅާކޮށް ކުރިއަށް ގެންދާނެ ކަމަށް އޭނާ ވިދާޅުވިއެވެ.

“އެޑްވަޓައިޒިން ވައިރަލް ކެމްޕެއިންސް، ބީ ޓު ސީ ނެޓްވޯކިން އިވެންޓްސް އިންޓަނޭޝަނަލް އެއާލައިންތަކާއި ބްރޭންޑްސްތަކާއި ކޮލާބޮރޭޓްވެގެން.” އަބްދުﷲ ގިޔާސް ވިދާޅުވިއެވެ. ޓޫރިޒަމް ދާއިރާގެ އަންނަ އަހަރުގެ އެންމެ ބޮޑު އެއް ޓާގެޓަކީ އަންނަ ޓޫރިސްޓުންގެ އަދަދު 15 ޕަސެންޓް އިތުރުކޮށް، އާމްދަނީ ފަސް ބިލިއަން ޑޮލަރަށް އެރުވުމެވެ. މި އަމާޒުތަކަށް ވާސިލުވުމަށް އަންނަ އަހަރުގެ ތެރޭގައި ވަރަށް ގިނަ މަސައްކަތްތަކެއް ކުރެވޭނެ ކަމަށް އެމްއެމްޕީއާރްސީން ބުނެފައިވެއެވެ.

މި އަހަރު ރާއްޖެއަށް ދެ މިލިއަން ޓޫރިސްޓުން ގެނައުމަށް ހިފި އަމާޒު މި މަހުގެ 26 ގައި ވަނީ ހާސިލުވެފައެވެ. މިއީ ރާއްޖޭގެ ޓޫރިޒަމް ދާއިރާއަށް ލިބުނު ބޮޑު ކުރިއެރުމެއްގެ ގޮތުގައި ފާހަގަކުރެވެއެވެ.