Read Time:4 Minute, 4 Second
ދިވެހި ފުލުހުންގެ ޚިދުމަތުން މިހާރު ތަހުގީގު ކުރަމުންދާ “ގެދޮރުވެރިޔާ” އަދި “ބިންވެރިޔާ” ސްކީމާ ގުޅޭ މައްސަލައިގައި މައުލޫމާތު އެއްކުރުމަށް ގާއިމްކޮށްފައިވާ ޕޯޓަލްއަށް މިހާތަނަށް ޖުމްލަ 16 ފަރާތަކުން މައުލޫމާތު ހުށަހަޅައިފިއެވެ.
ފުލުހުން ހާމަކުރި ގޮތުގައި މި ޕޯޓަލް މެދުވެރިކޮށް 16 ފަރާތަކުން މައުލޫމާތު ހިއްސާކޮށްފައިވާއިރު، މީގެ ތެރެއިން 4 ފަރާތަކުން މައްސަލައާ ގުޅުންހުރި ލިޔެކިޔުންތައް ވެސް ވަނީ ހިއްސާކޮށްފައެވެ.
“ދިވެހި ފުލުހުންގެ ޚިދުމަތުން މިހާރު ހިންގަމުން ގެންދާ، ގެދޮރުވެރިޔާ އަދި ބިންވެރިޔާ ސްކީމާގުޅޭ މައްސަލައިގެ ތަހުގީގުގަށް މައުލޫމާތު އެއްކުރުމަށް ގާއިމްކުރި ޕޯޓަލްއަށް މިހާތަނަށް ޖުމުލް 16 ފަރާތަކުން މައުލޫމާތު ހުށަހަޅާފައިވެއެވެ. އޭގެ ތެރެއިން 4 ފަރާތަކުން ގުޅުންހުރި ލިޔެކިޔުން ވަނީ ހިއްސާކޮށްފައި.” ފުލުހުން ވިދާޅުވިއެވެ.
ފުލުހުންގެ ވިދާޅުވީ މި ޕޯޓަލް މެދުވެރިކޮށް މަޢުލޫމާތު ހިއްސާކުރުމުގެ ފުރުޞަތު އަދިވެސް އެބައޮތް ކަމަށެވެ. މައުލޫމާތު ހުށަހެޅުމަށް https://evidence.police.gov.mv ބޭނުން ކުރެވިދާނެއެވެ.
މަޢުލޫމާތާއި ހެކި ހިއްސާކުރާއިރު އަމިއްލަ މަޢުލޫމާތު ހާމަނުކޮށް ވެސް ހުށަހެޅިދާނެ ކަމަށާއި، ނުވަތަ ތަހުގީގު ކުރާ ފަރާތްތަކުން ގުޅަން ބޭނުންވެއްޖެ ހާލަތެއްގައި ގުޅޭނެ މަޢުލޫމާތާއެކު ވެސް ހިއްސާކުރެވިދާނެ ކަމަށް ފުލުހުން ވިދާޅުވިއެވެ. އަދި މި ޕޯޓަލް މެދުވެރިކޮށް މަޢުލޫމާތު ހުށަހަޅާ ފަރާތްތަކުގެ ސިއްރުކަން ހިފަހައްޓާނެ ކަމުގެ ޔަގީންކަން ވެސް ފުލުހުންގެ ފަރާތުން ވަނީ ދީފައެވެ.
”މި ޕޯޓަލް މެދުވެރިކޮށް މައުލޫމާތު ހުށަހަޅުއްވާ ފަރާތްތަކުގެ ސިއްރުކަން ހިފަހައްޓާނެ ކަމުގެ ޔަގީންކަން އަރުވަމެވެ.” ފުލުހުން ވިދާޅުވިއެވެ.
ގެދޮރުވެރިޔާ އަދި ބިންވެރިޔާ ސްކީމަކީ ކުރީ ސަރުކާރުން ތައާރަފުކުރި ބޯހިޔާވަހިކަމުގެ މަޝްރޫއެކެވެ. ނަމަވެސް މި ސްކީމާ ގުޅިގެން ކޮރަޕްޝަނުގެ އަމަލުތަކެއް ހިންގާފައިވާ ކަމުގެ ތުހުމަތުތަކެއް ކުރެވި، މިހާރު ވަނީ ފުލުހުންގެ ތަހުގީގެއް ފަށާފައެވެ. މި މައްސަލައިގައި އިތުރު މައުލޫމާތު ހޯދުމަށް ފުލުހުން މަސައްކަތްކުރަމުންދާއިރު، އާންމު ރައްޔިތުންގެ އެހީތެރިކަމަށް ވަނީ އެދިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0