Read Time:2 Minute, 57 Second
“ޙާލު ކިހިނެއް؟” ޕްރޮގްރާމުގެ ތެރެއިން ރ. އަތޮޅުގެ ފުރަތަމަ ފިޔަވަހި ނިންމާލައިފިއެވެ.
މިއީ އޯގާތެރި މުޖުތަމައެއް ބިނާކުރުމަށް ރައީސް ޑރ. މުހައްމަދު މުއިއްޒު ގެންގުޅުއްވާ ތަސައްވުރުގެ ތެރެއިން، ރާއްޖޭގައި މީހުން ދިރިއުޅޭ ހުރިހާ ރަށެއްގެ ގޭބީސީތަކަށް ޒިޔާރަތްކޮށް، ރައްޔިތުންގެ ހާލު ބަލައި ދައުލަތުގެ ޚާއްސަ އެހީތެރިކަން ބޭނުންވާ ފަރާތްތައް ދެނެގަނެ، އެ ފަރާތްތަކަށް އެހީތެރިކަން ފޯރުކޮށްދިނުމަށް ކުރިއަށް ގެންދާ ޕްރޮގްރާމެކެވެ.
މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމަންޓުން ވިދާޅުވީ އެ ޕްރޮގްރާމުގެ ފުރަތަމަ ފިޔަވަހީގެ ދަށުން ރ. އަތޮޅުގެ 7 ރަށެއްގައި ޕްރޮގްރާމް ކުރިއަށް ގެންގޮސް، މީހުން ދިރިއުޅޭ ހުރިހާ ގެއަކަށް ޒިޔާރަތްކޮށްފައިވާ ކަމަށެވެ. އޭގެ ތެރޭގައި ރ. ފައިނުގެ 60 ގޭބިސީ، ކިނޮޅަސްގެ 74 ގޭބިސީ، ހުޅުދުއްފާރުގެ 173 ގޭބިސީގެ އިތުރުނެ މީދޫގެ 254 ގޭބިސީއާއި އިނގުރައިދޫގެ 225 ގޭބިސީއަށް ޒިޔާރަތްކޮށްފައިވާ ކަމަށް އެ ވުޒާރާއިން ބުނެފައިވެއެވެ.
އެ ވުޒާރާއިން އިތުރަށް ވިދާޅުވީ، އެ ޕްރޮގްރާމުގެ ތެރެއިން ދައުލަތުގެ ޚާއްސަ އެހީތެރިކަން ބޭނުންވާ ފަރާތްތައް ދެނެގަނެވި، އެ ފަރާތްތަކަށް އެހީތެރިކަން ފޯރުކޮށްދިނުމުގެ މަސައްކަތް މިހާރު ފެށިފައިވާ ކަމަށެވެ. އަދި އެ ޕްރޮގްރާމު ކާމިޔާބުކަމާއެކު ކުރިއަށް ގެންދިއުމަށް، ރ އަތޮޅު ކައުންސިލާއި، ރަށްރަށުގެ ކައުންސިލްތަކާއި، އަންހެނުންގެ ތަރައްޤީއަށް މަސައްކަތްކުރާ ކޮމެޓީތަކާއި، ސަރުކާރުގެ އިދާރާތަކުން ދެއްވި އެއްބާރުލުން ފާހަގަކޮށް އެ ވުޒާރާއިން ވަނީ ޝުކުރު ދަންނަވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0