Read Time:3 Minute, 4 Second
ގެދޮރުވެރިކަމާއި ގުޅޭގޮތުން ސަރުކާރުން ކުރިއަށްގެންދަވާ މަސައްކަތްތަކާއި ގުޅޭގޮތުން މައުލޫމާތު ސާފުކުރުމަށް ހާއްސަ ފޯނު ނަމްބަރުތަކެއް އިމާރާތްކުރުމާއި ގެދޮރުވެރިކަމާއި ބިނާރާބެހޭ ވުޒާރާއިން ތައާރަފްކޮށްފިއެވެ.
އެ ވުޒާރާއިން ވިދާޅުވީ މީގެ ފަހުން ގެދޮރުވެރިކަމާއި ބެހޭ މަޝްރޫޢުތައް ކުރިއަށްގެންދާނީ، އެ ވުޒާރާގެ ދަށުން ކަމަށެވެ. ގެދޮރުވެރިކަމާބެހޭ މަސައްކަތްތައް އިމާރާތްކުރުމާއި ގެދޮރުވެރިކަމާއި ބިނާރާބެހޭ ވުޒާރާގެ ދަށަށް ބަދަލުކުރެއްވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ބުރާސްފަތި ދުވަހު ކެބިނެޓަށް ގެންނެވި ބަދަލުތަކުގެ ތެރެއިންނެވެ.
އެގޮތުން ގެދޮރުވެރިކަމާބެހޭ އެއްވެސް މަސައްކަތަކާ ގުޅޭގޮތުން މަޢުލޫމާތު ސާފުކުރެއްވުމަށް އެދޭނަމަ، އެވުޒާރާގެ ރަސްމީ ނަންބަރުތައް ކަމުގައިވާ، 4004900 އަދި 4004901 ނަމްބަރު މެދުވެރިކޮށް ހޯއްދެވޭނެކަމަށް އެ ވުޒާރާއިން ވިދާޅުވެއެވެ. އަދި ގެދޮރުވެރިކަމާބެހޭ މަސައްކަތްތައް އިމާރާތްކުރުމާބެހޭ ވުޒާރާގެ ދަށަށް ބަދަލުވީނަމަވެސް، އެ މަސައްކަތްތައް އަދި ހިދުމަތަކަށް ބަދަލު ނާންނާނެ ކަމަށް ވެސް އެ ވުޒާރާއިން ވިދާޅުވެއެވެ.
ރައީސުލްޖުމްހޫރިއްޔާ ކެބިނެޓަށް ގެންނެވި ބަދަލުތަކުގެ ތެރެއިން ދާދި ފަހުން ވަނީ ބައެއް މިނިސްޓްރީތަކުގެ ނަން ބަދަލުކުރައްވާފައެވެ. އެގޮތުން މިނިސްޓްރީ އޮފް ހައުސިންގ، ލޭންޑް އެންޑް އަރބަން ޑިވެލޮޕްމަންޓް އުވާލައްވައި އެ މިނިސްޓްރީގެ މަސައްކަތްތައް މިނިސްޓްރީ އޮފް ފިނޭންސް އެންޑް ޕްލޭނިންއަށާއި މިނިސްޓްރީ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗާއަށް ބަދަލުކުރައްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0