Read Time:3 Minute, 12 Second
އަޒަރުބައިޖާން އެއާލައިންސްގެ މަތިންދާ ބޯޓެއް ވެއްޓި، އެ ބޯޓުން ދަތުރު ކުރި ގިނަ ބަޔަކު މަރުވި ހާދިސާއާ ގުޅިގެން ރައީސް ޑރ. މުހައްމަދު މުއިއްޒު، އެ ގައުމުގެ ރައީސް ހިޒް އިލްހާމް ހައިދާރު އޮގްލޫ އަލިޔޭވްއަށް ތަޢުޒިޔާ ގެ މެސެޖެއް ފޮނުއްވައިފިއެވެ. އަޒަރުބައިޖާން ވެރިރަށް ބާކޫއިން ރަޝިއާގެ ގްރޯޒްނީއަށް ދަތުރުކުރަމުންދިޔަ މަތިންދާ ބޯޓު ވެއްޓުނީ ކަޒަކިސްތާނުގެ އަކްތާއޫ އެއާޕޯޓު ރަންވޭ މައްޗަށެވެ. ރިޕޯޓުތައް ބުނާ ގޮތުގައި މަތިންދާ ބޯޓުގައި 105 ފަސެންޖަރުންނާއި ފަސް ކްރޫ މެމްބަރުން ދަތުރު ކުރިއެވެ.
ނަމަވެސް މިހާތަނަށް އައިއިރު 38 މީހަކު މަރުވެފައިވާ ކަމަށް މީޑިއާ ރިޕޯޓްތައް ބުނެއެވެ. މި ހާދިސާއާ ގުޅިގެން ރައީސް ޑރ. މުއިއްޒު ފޮނުއްވި މެސެޖްގައި ވަނީ ހާދިސާގެ ޚަބަރު އެއްސެވީ ކުއްލި ހައިރާންކަމާއި އެކުގައި ކަމަށެވެ. އަދި އަޒަރުބައިޖާންގެ ސަރުކާރަށާއި ރައްޔިތުންނަށާއި، ހާއްސަކޮށް ޒަހަމްވި ފަރާތްތަކަށް ހަމްދަރުދީ ފޮނުއްވިއިރު، މި ހާދިސާގައި މަރުވި މީހުންނަށްޓަކައި ތައުޒިޔާ ވިދާޅުވެފައި ވެއެވެ.
އޭގެ އިތުރުން މި ހާދިސާގެ ސަބަބަުން ދިމާވި ގެއްލުންތަކުން އަރައިގަތުމަށް ކުރެވެމުންދާ މަސައްކަތްތަކުގެ ކާމިޔާބީއަށް ރައީސް ވަނީ އެދިވަޑައިގަންނަވާފައެވެ. މި މަތިންދާ ބޯޓު ވެއްޓޭ މަންޒަރުގެ ވީޑިއޯއެއް ވެސް މީސް މީޑިއާގައި މިހާރު ދަނީ ދައުރުވަމުންނެވެ. އެ ވީޑިއޯގައި ފުރަތަމަ ފެންނަނީ މަތިންދާ ބޯޓު ކުއްލިއަކަށް ތިރިވާ ތަނެވެ. އެކަމަކު، ފަހުން މަތީގައި އުދުހޭ މަންޒަރު ފެންނަ އިރު، ވަކި ހިސާބަކުން އެ މަތިންދާ ބޯޓު ރަންވޭގައި ޖައްސަންދެއެވެ.
ރަންވޭގައި ޖެއްސުމާއެކު، މަތިންދާ ބޯޓު “އެކޮޅުކޮޅަށް” ޖެހޭ މަންޒަރާއެކު އަލިފާން ރޯވާ ތަން ވެސް ފެނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0