Read Time:3 Minute, 2 Second
(ފޮޓޯ ކްރެޑިޓްސް: ވަގުތު)
ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވުޒާރާގެ ތެރެއިން ކޮރަޕްޝަނާ ގުޅުންހުރި އެއްވެސް ކަމެއް ފެނިއްޖެނަމަ ވަގުތުން ރިޕޯޓުކޮށްދިނުމަށް ވަޒީރު އާދަމް ޝަރީފް އުމަރު އިލްތިމާސްކުރައްވައިފިއެވެ. ވަޒީރު މިފަދައިން އިލްތިމާސްކުރެއްވީ މިއަދު ހެނދުނު އެ ވަޒީރާއި ހުރިހާ މުވައްޒަފުންނާއެކު ބޭއްވި ބައްދަލުވުމެއްގައެވެ.
އެ ވުޒާރާއިން އެކްސްގައި ކުރި ޓްވީޓެއްގައި ވަނީ، ވަޒީރު އާދަމް ޝަރީފް ވަނީ ކޮރަޕްޝަނާ ދެކޮޅަށް ރައީސް ޑރ. މުހައްމަދު މުއިއްޒު ކުރައްވާ މަސައްކަތްތަކާ ގުޅިގެން، އެމަނިކުފާނުގެ އިރުޝާދާއެކު މިނިސްޓްރީގެ މުވައްޒަފުން ކޮރަޕްޝަނާ ދެކޮޅަށް މަސައްކަތް ކުރެއްވުމަށް އިލްތިމާސްކުރައްވާފައެވެ. އަދި ކޮރަޕްޝަނާއި ފަސާދައާ ގުޅުންހުރި އެއްވެސް ކަމެއް ނުވަތަ ނިޝާނެއް ފެނިއްޖެނަމަ ވަގުތުން ވަޒީރަށް ރިޕޯޓުކުރުމަށް އެންގެވިއެވެ.
މީގެ އިތުރުން، މިފަދަ ކަންކަމުގެ މަޢުލޫމާތު ސަރުކާރުގެ ކަމާ ގުޅުންހުރި މުއައްސަސާ، އެންޓި-ކޮރަޕްޝަން ކޮމިޝަން (އޭސީސީ) އަށް ހިއްސާކުރުމަށް ވެސް ވަޒީރު އިލްތިމާސްކުރެއްވިއެވެ. ބިންވެރިޔާ ސްކީމްގެ ޝަރުތު ހަމަނުވަނީސް އެޗްޑީސީގެ އޭރުގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދުގެ ބޭބެ، އެމްޑަބްލިއުއެސްސީގެ ޑެޕިއުޓީ މެނޭޖިން ޑިރެކްޓަރު މުޙައްމަދު ފަޒީލް ރަޝީދަށް ގޯއްޗެއް ދިން މައްސަލަ ފަޅާއެރުމާ ގުޅިގެން ބޮޑު ތަހުޤީގެއް ފަށައިގެން ދަނީ ކުރިއަަށެވެ.
މި ސަރުކާރުގެ ތެރޭގައި ކޮރަޕްޝަނަށް އެއްވެސް ޖާގައެއް ނޯންނާނެ ކަމަށް ދާދިފަހުން ރައީސް މުއިއްޒުވެސް ވިދާޅުވެފައި ވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0