Read Time:2 Minute, 40 Second
ހައުސިންގ ޑެވެލޮޕްމެންޓް ކޯޕަރޭޝަން (އެޗްޑީސީ)ގެ ފައިނޭންސް ޑިޕާޓްމެންޓުން ލެޕްޓޮޕްތަކެއް ވަގަށް ނަގާފައި ނުވާކަން ކަށަވަރުވެއްޖެއެވެ. އެޗްޑީސީގެ ފައިނޭންސް ޑިޕާޓްމެންޓުން ލެޕްޓޮޕްތަކެއް ވަގަށް ނެގި ކަމަށް ބުނެ އަދަދު ނޫހުން ދޮގު ހަބަރެއް ފަތުރާފައިވާއިރު، އެޗްޑީސީގެ އޮފިޝަލަކު ކަށަވަރުކޮށްދިން ގޮތުގައި އެ ކުންފުނީގެ ފައިނޭންސް ޑިޕާޓްމެންޓުން ލެޕްޓޮޕްތަކެއް ވަަގަށް ނަގާފައެއް ނުވެއެވެ.
ފުލުހުންގެ ތަރުޖަމާން އަހްމަދު ޝިފާން ވިދާޅުވީ، މައްސަލަ ހުށަހެޅީ އެޗްޑީސީން، ފަރުކޮޅުގައި ހުރި، އެޗްޑީސީގެ އޮފީހުން ފަސް ލެޕްޓޮޕް ގެއްލިގެން ކަމަށެވެ. އަދި އެ މައްސަލައިގެ ތުހުމަތު ކުރެވޭ މީހާ ހުރީ މަސްތުވާތަކެތީގެ މައްސަލައެއްގައި ހައްޔަރުގައި ކަަމަށްވެސް ޝިފާން ވިދާޅުވިއެވެ. ޝިފާން ވަނީ އެޗްޑީސީގެ އެހެން ދިމާލަކުން ލެޕްޓޮޕެއް ގެއްލިގެން ރިޕޯޓް ކޮށްފައިނުވާކަން ކަށަވަރު ކޮށްދީފައެވެ.
ޝިފާން ވިދާޅުވީ، ގެއްލުނު ލެޕްޓޮޕްތައް އަދި ނުފެންނަ ކަމަށާއި، ހޯދުމުގެ މަސައްކަތް ކުރަމުންދާ ކަމަށެވެ. “ތުހުމަތު ކުރެވޭ މީހާ ދަނީ ފުލުހުންނަށް އެއްބާރުލުން ދެމުން،”. ޝިފާން ވިދާޅުވިއެވެ. އަދި މި މައްސަލައާއި ފުލުހުންނާއި އޭސީސީން ބަލަމުންދާ ރައީސް އިބްރާހިމް މުހައްމަދު ސޯލިހްގެ ވެރިކަމުގައި ހިންގި ގެދޮރުވެރިޔާ/ބިންވެރިޔާ ސްކީމްގެ ކޮރަޕްޝަންގެ މައްސަލައާ އެއްވެސް ވަރަަކަށް ގުޅުމެއް ނެތް ކަން ވަނީ ކަށަވަރު ވެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0