Read Time:2 Minute, 15 Second
(ފޮޓޯ ކްރެޑިޓްސް: ވަގުތު)
އެޗްޑީސީން ފަސް ލެޕްޓޮޕް ވަގަށް ނެގި ކަމަށް ތުހުމަތު ކުރެވޭ މީހާ މަސްތުވާތަކެތީގެ މައްސަލައެއްގައި ހައްޔަރުކޮށްފައިވާ ކަަމަށް ދިވެހި ފުލުހުންގެ ހިދުމަތުން މިރޭ ވިދާޅުވެއްޖެއެވެ. ފުލުހުންގެ މީޑިއާ އޮފިޝަލަކު ވިދާލުވީ، އެ ކުންފުނިން ފަސް ލެޕްޓޮޕް ވަގަށް ނެގި މައްސަލަ ފުލުހުންނަށް މިއަދު ރިޕޯޓްކޮށްފައިވާ ކަމަށެވެ.
އަދި މި މައްސަލައިގެ ތަހުގީގު ކުރިއަށްދާ ކަމަށްވެސް އޮފިޝަލް ވިދާޅުވެފައި ވެއެވެ. އޭގެ ފަހުން ފުލުހުންގެ ތަރުޖަމާން އަހްމަދު ޝިފާން ވިދާޅުވީ، މައްސަލަ ހުށަހެޅީ އެޗްޑީސީން، ފަރުކޮޅުގައި ހުރި، އެޗްޑީސީގެ އޮފީހުން ފަސް ލެޕްޓޮޕް ގެއްލިގެން ކަމަށެވެ. އަދި އެ މައްސަލައިގެ ތުހުމަތު ކުރެވޭ މީހާ ހުރީ މަސްތުވާތަކެތީގެ މައްސަލައެއްގައި ހައްޔަރުގައި ކަަމަށްވެސް ޝިފާން ވިދާޅުވިއެވެ.
ޝިފާން ވަނީ އެޗްޑީސީގެ އެހެން ދިމާލަކުން ލެޕްޓޮޕެއް ގެއްލިގެން ރިޕޯޓް ކޮށްފައިނުވާކަން ކަށަވަރު ކޮށްދީފައެވެ. ޝިފާން ވިދާޅުވީ، ގެއްލުނު ލެޕްޓޮޕްތައް އަދި ނުފެންނަ ކަމަށާއި، ހޯދުމުގެ މަސައްކަތް ކުރަމުންދާ ކަމަށެވެ. “ތުހުމަތު ކުރެވޭ މީހާ ދަނީ ފުލުހުންނަށް އެއްބާރުލުން ދެމުން،”. ޝިފާން ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0