Read Time:3 Minute, 22 Second
ޕަބްލިކް ސާވިސް މީޑިއާ (ޕީއެސްއެމް) ގެ ޗެއާޕާސަން ކަމަށް އައިމިނަތު ނަމްޒާ އައްޔަނުކޮށްފިއެވެ. މިނިސްޓަރ އޮފް ސޯޝަލް އެންޑް ފެމިލީ ޑިވެލޮޕްމެންޓް ގެ ނައިބުގެ މަގާމުވެސް ފުރުއްވަމުންގެންދަވާ ނަމްޒާ އަކީ ޕީއެސްއެމްގެ ޝޯވ ތައް ހުށަހަޅައިދީފައިވާ ހޯސްޓެއްކަން ފާހަގަކޮށްލަން ޖެހެއެވެ. ނަމްޒާ ވަނީ މި ސަރުކާރުގައި ޖެންޑާ މިނިސްޓްރީގެ ސްޓޭޓް މިނިސްޓަރެއްގެ ވަޒީފާވެސް އަދާކުރައްވާފައެވެ.
ޕީ.އެސް.އެމްގެ ޑިރެކްޓަރުންގެ ބޯޑުގެ މެންބަރުކަމަށާއި ޗެއަރޕަރސަން ކަމުގެ މަޤާމަށް މ.ހަނީކޯމްބް، އަލްފާޟިލާ އާމިނަތު ނަމްޒާ މިއަދު ވަނީ އައްޔަނުކޮށްފައެ ވެ.
— Privatization & Corporatization Board (@pcb_gov) December 23, 2024
ޕްރައިވެޓައިޒޭޝަން އެންޑް ކޯޕަރޭޝަން ބޯޑުން ވަނީ ޕީއެސްއެމްގެ މެނޭޖިން ޑިރެކްޓަރަކަށް އެ ތަނުގެ ސޭލްސް އެންޑް މާކެޓިންގެ ވެރިޔާ އިބްރާހިމް ނަސްރީން (ނައްޓު) އައްޔަނުކޮށްފައެވެ.
ނަސްރީނަކީ ޕީއެސްއެމްގެ މާކެޓިން ޑިޕާޓްމަންޓުގައި ގިނަ ދުވަސްތަކެއް ވަންދެން ހިދުމަތް ކުރައްވާފައިވާ ބޭފުޅެކެވެ. ނަސްރީން މަތީ ތައުލީމް ހާސިލްކުރެއްވީ ކޮމިޔުނިކޭޝަން އަދި ކްރިއޭޓިވްޓެކްނޮލޮޖީގެ ރޮނގުންނެވެ. ނަސްރީން ވަނީ 2015 ވަނަ އަހަރު އެމެރިކާގެ ޓްރެވަލް އެންޑް ޓޫރިޒަމް ރިސަރޗް އެސޯސިއޭޝަނުން ބޭއްވި ޓޫރިޒަމް ރިސަރޗް ކޮންފަރެންސަށް ހުށަހަޅުއްވައި، އެންމެމޮޅު މާސްޓަރޒް ސްޓޫޑަންޓް ރިސަރޗް އެވޯޑް ހޯއްދަވާފައެވެ. އެކަމުގެ އަގު ވަޒަންކުރުމުގެ ގޮތުން ސަރުކާރުން ވަނީ 2016 ވަނަ އަހަރު ނަސްރީނަށް މަތީ ދަރަޖަ ހޯދާ ފަރާތްތަކަށް ރައީސުލްޖުމްހޫރިއްޔާ ދެއްވާ ހާއްސަ އިނާމުވެސް އަރުވާފައެވެ.
ދައުލަތުގެ މީޑިއާގެ މެނޭޖިންގ ޑިރެކްޓަރުގެ މަގާމަށް ނަސްރީން އައްޔަނުކުރައްވާފައިމިވަނީ، އެމަގާމުގައި ހުންނެވި މުހައްމަދު ސައީދު މިދިޔަ އަންގާރަދުވަހު އިސްތިއުފާދެއްވުމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0