Read Time:4 Minute, 25 Second
(ފޮޓޯ ކްރެޑިޓްސް: ވަގުތު)
ކ. ގާފަރުގައި ގޯތު ދޫނުކުރާތާ 18 އަހަރު ވެފައިވާތީ އެ ރަށުގައި ބިން ހިއްކުމުގެ މަޝްރޫއެއް ކުރިއަށް ގެންގޮސްދިނުމަށް ރަށު ކައުންސިލުން އެދިއްޖެއެވެ. ގާފަރު ކައުންސިލުން އެގޮތަށް އެދުނީ ރައީސް ޑރ. މުހައްމަދު މުއިއްޒު، މާލެއަތޮޅު ގާފަރު ކައުންސިލާއި އަންހެނުންގެ ތަރައްގީއަށް މަސައްކަތްކުރާ (އތމ) ކޮމިޓީގެ މެންބަރުންނާއި ބައްދަލުކުރައްވައި ދެއްކެވި ވާހަކަފުޅުގެ ތެރޭގައެވެ.
(ފޮޓޯ ކްރެޑިޓްސް: ވަގުތު)
ގާފަރު ކައުންސިލް އިދާރާގައި މިއަދު ހެނދުނު ބޭއްވެވި އެ ބައްދަލުކުރެއްވުމުގައި ކައުންސިލުން ވަނީ ރަށުގެ ރައްޔިތުންގެ ހުރި ކަންބޮޑުވުންތަކާއި ރަށުގެ ތަރައްގީއަށް ބޭނުންވާ ކަންތައްތައް ރައީސްއާ ހިއްސާކުރައްވައި އެކަންކަމާ ގުޅޭގޮތުން މަޝްވަރާކުރައްވާފައެވެ.
އެގޮތުން، ރަނގަޅު ފެންވަރެއްގެ ސިއްހީ މަރުކަޒެއް ގާއިމުކުރުމުގެ މަސައްކަތް އަވަސްކޮށް ދެއްވުމަށާއި، ރަށުގައި ގޯތި ދޫނުކުރާތާ 18 އަހަރުވެފައިވުމުން ރަށުގެ ގިނަ ރައްޔިތުން ގޯތި ބޭނުންވާކަން ފާހަގަކުރައްވައި ބިން ހިއްކުމުގެ މަޝްރޫއު ކުރިއަށް ގެންގޮސްދެއްވުމަށް އެދިވަޑައިގެންނެވިއެވެ. އޭގެ އިތުރުން ސްކޫލުގެ ޖާގައިގެ ދަތިކަމާއި، މަސްވެރިންގެ ފަރާތުން ހުރި ބައެއް ކަންބޮޑުވުންތައްވެސް މިބައްދަލުވުމުގައި ފާޅުކުރެއްވިއެވެ. އަންހެނުންގެ ތަރައްގީއަށް މަސައްކަތްކުރާ ކޮމިޓީއިން ވަނީ ބަޖެޓުގެ ދަތިކަމާއި ހޭންޑް ބޯލް ދަނޑު ނުނިމި އޮތުމުން ކަންބޮޑުވުން ފާޅުކުރައްވާފައެވެ.
(ފޮޓޯ ކްރެޑިޓްސް: ވަގުތު)
އެ ބައްދަލުކުރެއްވުމުގައި ރައީސްގެ އަރިހުގައި ބައިވެރިވެވަޑައިގެންނެވި ވަޒީރުން ވަނީ ކައުންސިލުން ކަންބޮޑުވުން ފާހަގަކުރެއްވި ކަންކަމަށް ސަރުކާރުން ކުރައްވަމުންދާ މަސައްކަތްތަކުގެ މައުލޫމާތާއި، ތަރައްގީއަށް ކުރިއަށްގެންދާ މަޝްރޫއުތަކުގެ އެންމެ ފަހުގެ މައުލޫމާތުތައް ހިއްސާކުރައްވާފައެވެ.
މިއަދުގެ ބައްދަލުކުރެއްވުމުގައި ރައީސުލްޖުމްހޫރިއްޔާ ވިދާޅުވީ އެމަނިކުފާނު ވައުދުވެވަޑައިގެންފައިވާ ކަންކަން ކޮށްދެއްވާނެކަމުގައެވެ. އަދި ތައުލީމާ ސިއްހީ ދާއިރާގެ މަޝްރޫއުތައް މިއަންނަ އަހަރު ފެށުމަށް ހާއްސަ އިސްކަމެއްދެއްވާނެކަމުގައި އެމަނިކުފާނު ވިދާޅުވިއެވެ. ހަމައެއާއެކު ރަށުގެ ތަރައްގީގެ ކަންކަން ތާށިނުވެ ކުރިއަށްގެންދިއުމަށް އަހަންމިއްޔަތުކަން ދެއްވާނެކަމުގައިވެސް އެމަނިކުފާނު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0