Read Time:2 Minute, 36 Second
މިފްކޯގެ ސީއީއޯ އަކަށް ފުރަތަމަ ފަހަރަށް ރާއްޖެ އިން ބޭރުގެ ބޭފުޅަކު އައްޔަންކޮށްފިއެވެ. ދިވެހި ސަރުކާރުގެ މަސް ކުންފުނި، މިފްކޯގެ އާ ސީއީއޯއަކަށް ހަމަޖެއްސީ ޑރ. ވިޓާލީ ލުބިމޯވްއެވެ. އޭނާއަކީ ޔޫކްރެއިނަށް އުފަން ބޭފުޅެކެވެ. އެކަމަކު، އޭނާ ދިރިއުޅުއްވަމުން ގެންދަވަނީ ސްވިޒަލެންޑްގައެވެ. އޭނާ މިހާރު ވަނީ ރަސްމީކޮށް މަސައްކަތާ ހަވާލުވެވަޑައިގެންފައެވެ.
ސްޓްރެޓީޖިކް ކްރައިސިސް މެނޭޖްމެންޓުގެ ދާއިރާގެ ސްޕެޝަލިސްޓް ވިޓާލީއަކީ އެ ދާއިރާގައި 20 އަހަރު ދުވަހުގެ ތަޖުރިބާ ހުންނެވި ބޭފުޅެކެވެ. ޕްރައިވަޓައިޒޭޝަން އެންޑް ކޯޕަރޭޝަން ބޯޑު (ޕީސީބީ) އިން ކުރި އިއުލާނުގައިވާ ގޮތުން އެ މަގާމުގެ މުސާރައިގެ ގޮތުގައި ކޮންމެ މަހަކު 12،000 ޑޮލަރު (185،040ރ.) އާއި 15،000 ޑޮލަރު (231،300ރ.) ދެމެދުގެ މުސާރައެއް ލިބޭނެއެވެ. މިއީ ހަތަރު އަހަރުގެ މުއްދަތަކަށް އައްޔަން ކުރާ މަގާމެކެވެ.
މިފްކޯގެ ސީއީއޯގެ މަގާމުގައި އެންމެ ފަހުން ހުންނެވީ ސަމާހު ރަޝީދެވެ. އޭނަ އެ މަގާމުން ވަކިކުރީ މި އަހަރުގެ މެއި މަހުގެ ތެރޭގައެވެ. އޭގެ ފަހުން މިފްކޯ އަށް ބިދޭސީ ސީއީއޯއެއް ހޯދަން އެންމެ ފުރަތަމަ އިއުލާންކުރީ ޖޫން މަހުގެ ތެރޭގައެވެ. ނަމަވެސް އޭރު އެކަށީގެންވާ ފެންވަރުގެ މީހަކު ކުރިމަތިލާފައި ނުވާތީ އިއުލާން ބާތިލުކޮށް، އަލުން ސީއީއޯގެ މަގާމަށް ހުޅުވައިލީ ސެޕްޓެމްބަރު މަހުގެ ތެރޭގައެވެ. މިފްކޯ އަކީ 1993 ގައި އުފެއްދި ކުންފުންޏެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0