Read Time:4 Minute, 28 Second
(ފޮޓޯ ކްރެޑިޓްސް: ވަގުތު)
ފާއިތުވި އެއް އަހަރު ދުވަހުގެ ތެރޭގައި 1.3 ބިލިއަން ރުފިޔާގެ މަސްތުވާތަކެތި ނައްތާލާފައިވާނެ ކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެއެވެ. އއ. ރަސްދޫއަށް ވަޑައިގެން އެ ރަށުގެ ރައްޔިތުންނާ ބައްދަލުކުރައްވައި ރައީސް ޑރ. މުއިއްޒު ވިދާޅުވީ، ފާއިތުވި އަހަރެއްހާ ދުވަހުގެ ތެރޭގައި ޑުރަގުގެ މައްސަލަ ހައްލުކުރުމަށް މި ސަރުކާރުން ގިނަ މަސައްކަތްތަކެއް ކޮށްފައިވާ ކަމަށެވެ.
(ފޮޓޯ ކްރެޑިޓްސް: ވަގުތު)
ރައީސް ވިދާޅުވީ، މަސްތުވާތަކެތީގެ މައްސަލައަކީ ޒަމާންވީ މައްސަލައެއް އެއީ ދުވަހަކުވެސް ހައްލުނުކުރެވި އޮތް މައްސަލައެއް ކަމަށެވެ. އެހެން ނަމަވެސް އެމައްސަލައަކީ ރައްޔިިތުން ހައްލުކުރަން ބޭނުންވެފައިވާ މައްސަލައެއް ކަމަށް އެމަނިކުފާނު ވިދާޅުވިއެވެ.
” ޒުވާނުންވެސް އެކަން ބޭނުންވެގެން ބޭނުންތެރި ބިނާކުރަނިވި ބަޔަކަށް ހަދަން ބެލެނިވެރިންވެސް ބޭނުންވަނީ، އެހެންވީމަ އެމަގުން ކުރިއަށް ގެންދިއުމަކީވެސް އަޅުގަނޑުމެން ވިސްނަންވެފައި އޮތް ކަމެއް. އެހެންވީމަ މި ނިމެމުންދާ އަހަރުގެ ތެރޭގައި އަޅުގަނޑުމެން މިދެންވެވި ދާޢިރާއިން (ޑްރަގުގެ މައްސަލަ) ހައްލުކުރުމުގެ މަސައްކަތް މިކުރަނީ، މިއިން ކޮންމެ ރަށެއްގައިވެސް އެއީ މުހިންމު ކަމެއްގެ ގޮތުގައި ވާނެތީ، އަޅުގަނޑުމެންގެ ނަން ރީތި ނަމެއްގެ ގޮތުގައި ބޭރަށް ވިއްކެންވެސް އޮތީ، އަޅުގަނޑުމެންގެ ގައުމަކީ ހަމެޖެހުން އޮތް ރައްކާތެރި އަމާން ގައުމަކަށް ހެދިގެން.” ރައީސް ވިދާޅުވިއެވެ.
(ފޮޓޯ ކްރެޑިޓްސް: ވަގުތު)
އެކަން ރަނގަޅު ކުރެވޭނީ ރައްޔިތުންނަކީ މަސްތުިވާތަކެތީގެ ވަބާއިން ދުރަށް ގޮސްފައިވާ ބިނާކުރަނިވި ގައުމަކަށް ހެދިގެން ކަމަށް ރައީސް ވިދާޅުވިއެވެ. އެގޮތުން އެކަން ހައްލުކުރުމަށް ގިނަ މަސައްކަތްތަކެއް ކޮށްފައިވާކަން ފާހަގަކޮށް ރައީސް ވިދާޅުވީ، މަސްތުވާތަކެތީގެ ވިޔަފާރީގައި ވަރަށް ގިނައިން ބޭރު މީހުން އުޅޭ ކަމަށެވެ.
އެގޮތުން 153 ބިދޭސީން މަސްތުވާތަކެއްޗާއެކު ހައްޔަރުކޮށް ޑީޕޯޓްކޮށްލާފައިވާ ކަމަށް ރައީސް ވިދާޅުވިއެވެ. އެގޮތުން ފުލުހުންގެ ތެރޭގައި ޑުރަގުގެ މައްސަލަތަކަށް ހިތްވަރު ދޭ ނުވަތަ ކޮމްޕްރޮމައިޒްވެފައި ތިބި މީހުން މިހާރު ނުތިބޭނެ ކަމަށްވެސް ވިދާޅުވިއެވެ. ” އަޅުގަނޑުމެން ވަރަށް އިސްކަން އެބަދެން މި މައްސަލަ ހައްލުކުރަން. އަދި ވަރަށް ކޮންފިސްކޭޓް ކުރެވުނު އަދަދު މިއަހަރު 655 ކިލޯގެ ޑްރަގް އަޅުގަނޑުމެން އަތުލައިގަނެ ނައްތާލައިފިން.”
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0