Read Time:2 Minute, 20 Second
(ފޮޓޯ ކްރެޑިޓްސް: އެމްޕީޢެލް)
މާލީ ވުޒާރާގެ ތަފާސްހިސާބުތައް ދައްކާގޮތުން، މިދިޔަ މަހުގެ 27 ވަނަ ދުވަހުގެ ނިޔަލަށް ދައުލަތަށް އާމްދަނީއާއި ހިލޭ އެހީގެ ގޮތުގައި 27.9 ބިލިޔަން ރުފިޔާ ލިބިފައިވާއިރު، މިއީ މިދިޔަ އަހަރުގެ މި މުއްދަތާ އަޅާބަލާއިރު %6.9 ގެ ކުރިއެރުމެކެވެ. މި ކުރިއެރުން މައިގަނޑު ގޮތެއްގައި އައީ ޓެކުހުގެ އާމްދަނީއާއި ހިލޭ އެހީ އިތުރުވުމުން ކަމަށްވާއިރު، އެންމެ ބޮޑު އާމްދަނީއެއް ލިބިފައިވަނީ %12.1 ގެ ކުރިއެރުމަކާއެކު އިމްޕޯޓް ޑިއުޓީންނެވެ. އަދި ވިޔަފާރީގެ ޓެކުހާއި، ޖީއެސްޓީ އަދި ރިސޯޓު ކުލި ފަދަ މުދަލާއި ގޯތިގެދޮރުން ލިބުނު އާމްދަނީވެސް ވަނީ ފާހަގަކޮށްލެވޭ މިންވަރަކަށް އިތުރުވެފައެވެ.
އަނެއްކޮޅުން، މި މުއްދަތުގައި ދައުލަތުގެ ޖުމްލަ ޚަރަދު %17.5 އިތުރުވެ 29.9 ބިލިޔަން ރުފިޔާއަށް އަރާފައިވެއެވެ. މީގެ ތެރެއިން އެންމެ ބޮޑު ހޭދައެއް ހިނގާފައިވަނީ ރިކަރަންޓް ޚަރަދުތަކަށް ކަމަށްވާއިރު، ޚާއްޞަކޮށް މުވައްޒަފުންގެ މުސާރައާއި އުޖޫރައަށް ކުރި ހޭދަ ވަނީ %12.7 އިން އިތުރުވެފައެވެ. މީގެ އިތުރުން، ބިމާއި އިމާރާތްތަކާއި، ފާލަމާއި ބަނދަރު ހެދުން ފަދަ ތަރައްޤީގެ މަޝްރޫޢުތަކަށް ކުރި ހޭދަ އިތުރުވުމާ ގުޅިގެން ކެޕިޓަލް ޚަރަދުވެސް ވަނީ %9.0 އިން މައްޗަށް ގޮސްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0