Read Time:2 Minute, 22 Second
(ފޮޓޯ ކްރެޑިޓްސް: ރައީސް އޮފީސް)
ބޭރު ފައިސާގެ ޤާނޫނާ އެއްގޮތަށް ފައިސާ މާރުނުކޮށް އޮޅުވާނުލެވޭނެ ގޮތަށް، ފަތުރުވެރިން އުޅޭނޫޅޭގޮތް ބެލޭނެ ޚާއްޞަ ނިޒާމެއް އެއް މަސްދުވަހުގެ ތެރޭގައި ޤާއިމުކުރައްވާނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. ޤާނޫނަށް ގެނައި އިސްލާހާއެކު ރިސޯޓުތަކަށް ލިބޭ އާމްދަނީގެ 40 އިންސައްތަ ރާއްޖޭގެ ބޭންކުތަކަށް މާރުކުރުން ލާޒިމުކޮށްފައިވަނީ ދިރާސާތަކަށް ބެލުމަށްފަހު ކަމަށާއި، މި މިންވަރު މާރުނުކުރެވޭނެ އެއްވެސް ރިސޯޓެއް ރާއްޖޭގައި ނުހުންނާނެ ކަމުގެ ޔަޤީންކަން ރައީސް ދެއްވިއެވެ.
ފަތުރުވެރިކަމުން އަހަރަކު 5.6 ބިލިއަން ޑޮލަރު ލިބުނު ނަމަވެސް ބޭންކުތަކަށް ވަންނަނީ މަދު މިންވަރެއްކަން ފާހަގަކުރައްވައި ރައީސް ވިދާޅުވީ، ޤާނޫނު ތަންފީޒުކުރުމުގައި ސަރުކާރުން ފަސްނުޖެހޭނެ ކަމަށެވެ. އަދި ބޭރު ފައިސާގެ ކަޅު ބާޒާރު ހުއްޓުވައި ރައްޔިތުންނަށް ފަސޭހައިން ޑޮލަރު ލިބޭނެ މަގުފަހިކުރުމަށްޓަކައި، ރާއްޖޭގައި ދޭ ޚިދުމަތްތަކަށް ރާއްޖޭގެ ބޭންކުތަކުގެ ޕީއޯއެސް މެދުވެރިކޮށް އަގު ނެގުމަށާއި ބޭރުގެ ޓްރެވަލް ޕްލެޓްފޯމްތަކުން ޖީއެސްޓީ ނެގޭނެ ގޮތަށް ޤާނޫނުތަކަށް އިސްލާހު ގެނެސްފައިވާ ކަމަށްވެސް އެމަނިކުފާނު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0