Read Time:1 Minute, 58 Second
ކުޅިވަރު ހިންގުމުގެ ނިޒާމުގައި ހުރި ކޮރަޕްޝަންގެ ހިރާސްތައް ދެނެގަތުމަށްފަހު އެންޓި ކޮރަޕްޝަން ކޮމިޝަން (އޭސީސީ) އިން އެކުލަވާލި ދިރާސާ ރިޕޯޓް އާންމުކޮށް، އެ ދާއިރާ އިސްލާހުކުރުމަށް 18 ކަމެއް ވަނީ ހުށަހަޅާފައެވެ. އޭގެ ތެރޭގައި އެސޯސިއޭޝަންތަކުގެ އާމްދަނީއާއި ޚަރަދު ހާމަކުރުން ޤާނޫނުން ލާޒިމުކުރުމާއި، މާލީ އޮޑިޓްތައް ހެދުމާއި، އިސްވެރިންގެ މާލީ ބަޔާން ޢާންމުކުރުމުގެ އިތުރުން އިންތިޚާބީ ނިޒާމާއި ޕްރޮކިއުމަންޓްގެ ކަންކަން ހަރުދަނާކުރުން ހިމެނެއެވެ.
މި ރިޕޯޓާ ގުޅޭގޮތުން ކުޅިވަރާ ބެހޭ ވަޒީރު ވިދާޅުވީ، ބޮޑެތި ކުށްތަކާއި ޚިޔާނާތް ފޮރުވުމަށް ކުޅިވަރުގެ ދާއިރާ ނިވާފަތްގަނޑަކަށް ހަދާފައިވާ ކަމަށާއި މިކަން ބަދަލުކުރަން ޖެހޭ ކަމަށެވެ. އަދި މި މައްސަލަތައް ހައްލުކުރުމަށް ސަރުކާރުން އިސްނަގައިގެން، އެސޯސިއޭޝަންތަކަށް ދޭ ފައިސާ ޚަރަދުކުރާ ގޮތް ބަލައި، އޮޑިޓް ނިޒާމު ހަރުދަނާކޮށް، ދެފުށް ފެންނަ މާލީ އުސޫލުތަކަކަށް އަމަލުކުރުން މިހާރު ލާޒިމުކޮށްފައިވާ ކަމަށްވެސް ވަޒީރު ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0