Read Time:3 Minute, 8 Second
އެމްޑަބްލިއުއެސްސީގެ އެމްޑީ އަބްދުލް މަތީން މުހައްމަދު އެކްސްގައި ކުރެއްވި ޕޯސްޓެއްގައި ވިދާޅުވީ، ކުނބުރުދޫގެ ފެނުގެ ނިޒާމު ގާއިމުކޮށްނިމި ރައްޔިތުންނަށް ރައްކާތެރި ފެނުގެ ހިދުމަތް ކަށަވަރުވެގެން ދިޔައީ ވަަރަށް ގިނަބައެއްގެ ބުރަ އަދި މިންނެތް މަސައްކަތުން ކަމަށެވެ. “އެކަމަށްޓަކައި މަސައްކަތް ކާމިޔާބު ކަމާއެކު ނިންމާލުމުގައި އެކި ގޮތްގޮތުންނާ އެކި ހައިސިއްޔަތުން ބައިވެރިވި އެންމެހާ ފަރާތްތަކަށް ހައްގު ޝުކުރު އަދާކުރާ ހިނދު ކުނބުރުދޫގެ ރައްޔިތުންނަށް ތަހުނިޔާ ދަންނަވަން.” މަތީން ވިދާޅުވިއެވެ.
ސަރުކާރުގެ ބަޖެޓުން 45 މިލިއަން ރުފިޔާ ހަރަދުކޮށްގެން ހިންގި އެ މަޝްރޫއުގައި އެރަށުގައި 2.75 ކިލޯމީޓަރުގެ ފެން ހޮޅީގެ މައި ނެޓްވޯކެއް އަޅާފައިވެއެވެ. އަދި އާރުއޯ ފެސިލިޓީ ބިލްޑިން އިމާރާތް ކުރުމާއި ފެން އުފެއްދުމަށްޓަކައި ދެ އާރުއޯ ޕްލާންޓް ބެހެއްޓުމުގެ އިތުރުން، ފެން ރައްކާ ކުރުމަށްޓަކައި ތިން ތާނގި ވަނީ ބަހައްޓަފައެވެ. އަދި ގޭގޭގައި ފެންމީޓަރު ބަހައްޓައި، ފެނުގެ ކަނެކްޝަން ގުޅައި ދިނުން ވެސް އެ މަޝްރޫއުގެ ތެރޭގައި ކޮށްފައިވެއެވެ.
އެ މަޝްރޫއުގައި ހިމެނޭ ނަރުދަމާ ނިޒާމުގެ މަސައްކަތުގެ ދަށުން އެރަށުުގައި 2.30 ކިލޯމީޓަރުގެ ދިގު ނަރުދަމާގެ މައި ނެޓްވޯކެއް އަޅާއިރު 374 މީޓަރުގެ ޕަންޕިން ލައިނަކާއި، ނަރުދަމާގެ އިދާއީ އިމާރާތާއި ދެ ޕަންޕިން ސްޓޭޝަން ހަދާފައިވެއެވެ. އަދި ގޭގޭގައި ޖަންޝަން ބަހައްޓައި ދިނުމާއި ނަރުދަމާ ކަނެކްޝަން ގުޅައިދީފައިވެއެވެ. އަދި ފެނާއި ނަރުދަމާ ނިޒާމް ހިންގާ ބެލެހެއްޓުމަށް ބޭނުންވާ ޖަނަރޭޓަރު ސެޓާއި ވެހިކަލް އަދި ފެން ތަހުލީލު ކުރުމަށް ބޭނުންވާ ސަމާނު އެރަށަށް އެ ކުންފުނިން ފޯރުކޮށްދީފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0