Read Time:4 Minute, 41 Second
(ފޮޓޯ ކްރެޑިޓްސް: ވަގުތު)
ވިނަރެސް ޓަވަރުތަކުން ކާރު ޕާކު ކުރާނެ ޖާގަ ދޫކުރަން ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން ހުޅުވާލި މުއްދަތު އިތުރު ކޮށްފިއެވެ. އެޗްޑީސީން މި ފުރުސަތު ހުޅުވާލާފައިވަނީ އިއްޔެ އާއި ހަމައަށެވެ. ނަމަވެސް މިއަދު އެޗްޑީސީން ވަނީ އެ މުއްދަތު މިމަހުގެ 12 އާއި ހަަމއށް އިތުރު ކޮށްފައެވެ.
އެޗްޑީސީން ކުރި އިއުލާނެއްގައި ވިދާޅުވީ، އެ އިމާރާތްތަކުން ޕާކިންގ ޖާގަ ދޫކުރުމަށް ނިންމާފައި ވަނީ ދެ މޮޑަލްއެއްގެ ދަށުން ކަމަށެވެ. މިގޮތުން އިމާރާތުގެ ތެރެއިން، ކާރު ރެޖިސްޓްރީ ކުރުމުގެ ހުއްދައާއެކު ޖުމްލަ 76 ޖާގައަކާއި، އިމާރާތުގެ ބޭރުން ހަމައެކަނި ޕާކް ކުރުމުގެ ބޭނުމަށް 78 ޕާކިންގ ޖާގަ ދޫކުރުމަށް ނިންމާފައިވާ ކަަމަށް އެޗްޑީސީން ވިދާޅުވެފައި ވެއެވެ.
ޕާކިންގ ޖާގަ ދޫކުރަނީ ނިންމާފައިވާ މީހުންގެ ޝަރުތުތަކުގެ ތެރޭގައި ވިނަރެސް ފްލެޓް ގަތުމުގެ އެއްބަސްވުމުގައި ސޮއިކޮށްފައިވާ މައި-އެޕްލިކަންޓަށް ވުމާއި، އެ ކުންފުންޏަށް ޑިސެމްބަރު 5ގެ ނިޔަލަށް އެއްވެސް ފައިސާއެއް ދައްކަންޖެހި، އެ ފައިސާ ނުދައްކާ ހުރި މީހަކަށް ނުވުން ހިމެނެއެވެ. އެޗްޑީސީން ވިދާޅުވީ، ކޮންމެ މީހަކަށްވެސް ދޫކުރެވޭނީ ޕާކިންގ އެއް ޖާގަ ކަމަށެވެ. އަދި ޕާކިންގ ޖާގައަކީ ފްލެޓް ގަތުމުގެ އެއްބަސްވުމުގެ ދަށުން ދޫކުރެވޭ ޖާގައެއް ގޮތުގައި ހަމަޖެހިގެންދާނެ ކަަމަށްވެސް އެޗްޑީސީން ވިދާޅުވެފައިވެއެވެ.
އިމާރާތުގެ ތެރެއިން، ބީލަމުގެ އުސޫލުން ޕާކިންގ ޖާގަތައް ވިއްކަން ނިންމާފައިވާ ގޮތުގެ ތަފްސީލު
- ބީލަން ފެށޭ އަގަކީ 650،000ރ
- ޕާކިންގ ޖާގަ ގަންނަ މީހުންނަށް މި ޖާގައިގައި ކާރު ރަޖިސްޓްރީ ކުރުމުގެ ހުއްދަ ދޫކުރެވޭމެ
- ބީލަން ކާމިޔާބު ކުރާ މީހުންނަށް ޕާކިންގ ޖާގައިގެ ޖުމްލަ އަގު ދެއްކުމަށް 30 ދުވަހުގެ މުއްދަތެއް
އިމާރާތުގެ ބޭރުން ހަމައެކަނި ޕާކް ކުރުމުގެ ބޭނުމަށް ޕާކިންގ ޖާގަތައް ކުއްޔަށް ދޫކުރުމަށް ނިންމާފައިވާ ގޮތުގެ ތަފްސީލު
- ބީލަން ފެށޭ އަގު މަހު ކުލީގެ ގޮތުގައި 2،000ރ
- ޕާކިންގ ޖާގަ ކުއްޔަށް ދޫކުރެވޭނީ ފަސް އަހަރަށް
- ސެކިއުރިޓީ ޑެޕޮސިޓްގެ ގޮތުގައި މަހު ކުލީގެ ގޮތުގައި ހުށަހަޅާފައިވާ އަދަދަދަށްވާ ތިން މަހަށް ވާ ފަައިސާ ދެއްކުމަށް ހަތް ދުވަހުގެ މުއްދަތެއް ދޭނެ
- ޕާކިންގ ޖާގަ ދޫކުރެވޭނީ ހަމައެކަނި ޕާކް ކުރުމުގެ ބޭނުމުގައި. އަދި މި ޖާގަތަކުގައި ރަޖިސްޓްރީ ކުރުމުގެ ހުއްދަ ނުދެވޭނެ
އެޗްޑީސީން ވިދާޅުވީ، މިކަމަށް ޝައުގުވެރިވާ މީހުން، ބީލަމުގެ އުސޫލުން ކާރު ޕާކިންގ ޖާގަ ގަތުމަށް ނުވަތަ ކުއްޔަށް ހިފުމަށް އެދި ހުށަޅާނީ އޮންލައިން ޕޯޓަލް މެދުވެރިކޮށް ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0