Read Time:2 Minute, 7 Second
(ފޮޓޯ ކްރެޑިޓްސް: ރައީސް އޮފީސް)
އޮޑިޓަރ ޖެނެރަލްގެ އޮފީހުގެ 2026-2029 އަށް އެކުލަވާލި އައު ސްޓްރެޓީޖިކް ޕްލޭން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ އިފްތިތާޙްކޮށްދެއްވާފައެވެ. މި ޕްލޭންގެ މައިގަނޑު މަގުސަދަކީ ޒަމާނީ ޓެކްނޮލޮޖީގެ އެހީގައި އޮޑިޓްތަކުގެ ފެންވަރު މަތިކޮށް، ދައުލަތުގެ އިދާރާތަކުގެ ޖަވާބުދާރީވުން އިތުރުކުރުމެވެ.
މި ޕްލޭންގައި ހިމެނޭ މުހިންމު ކަންކަމުގެ ތެރޭގައި، ފެންވަރު ރަނގަޅު އޮޑިޓްތައް މެދުވެރިކޮށް ދެފުށް ފެންނަ ނިޒާމެއް ގާއިމުކުރުމާއި، ޑިޖިޓަލް ޓެކްނޮލޮޖީ ބޭނުންކޮށްގެން އޮޑިޓް އޮފީހުގެ ވިލުންތެރިކަން އިތުރުކުރުން ހިމެނެއެވެ. މީގެއިތުރުން ތިމާވެއްޓާއި ގުޅުންހުރި އޮޑިޓްތައް ފުޅާކުރުމާއި، ލާމަރުކަޒީ ނިޒާމުގެ ދަށުން ކައުންސިލްތައް ޒިންމާދާރުކުރުވުމާއި، މާލީ މުއާމަލާތްތަކުގެ އޮޑިޓްތައް އަވަސްކޮށް ބަޖެޓުން ބޭރުން ކުރާ ޚަރަދުތައް ބެލުން ހިމެނެއެވެ. އޮޑިޓަރ ޖެނެރަލް ފާހަގަކުރެއްވި ގޮތުގައި މި ޕްލޭންގެ ސަބަބުން ދަރަނި ބެލެހެއްޓުމުގެ ނިޒާމު ހަރުދަނާވެ، ފޮރެންސިކް އޮޑިޓް ފަދަ ޚާއްސަ ދާއިރާތައް ކުރިއަރައިގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0