Read Time:3 Minute, 5 Second
މިއަހަރު މުޅިން އަލަށް 100 ގެސްޓް ހައުސް ހުޅުވައި ހިދުމަތް ދޭން ފަށާފައިވާ ކަމަށް ފަތުރުވެރިކަމާއި ބެހޭ ވުޒާރާއިން ބުނެފިއެވެ. އެ ވުޒާރާއިން އާންމު ކޮށްފައިވާ ތަފާސްހިސާބުތަކަށް ބަލާއިރު، މިއަހަރު ފެށުނުއިރު، 809 ގެސްޓް ހައުސްތަކާއެކު ގެސްޓްހައުސްތަކުގެ ބެޑް ކެޕޭސިޓީ އުޅުނީ 13،657 ގައެވެ. ނަމަވެސް އަލަށް ހުޅުވި 100 ގެސްޓް ހައުސް އާއި އެކީ މިހާރު ހިންގަމުން އަންނަ ގެސްޓް ހައުސްތަކުގެ އަދަދު 909 އަށް އަރައި، ބެޑް ކެޕޭސިޓީ އުޅެނީ 15،325 ގައި ކަމަށް ތަފާސްހިސާބުތަކުން ދައްކައެވެ.
އެވުޒާރާގެ ތަފާސްހިސާބުތަކުން ދައްކާ ގޮތުގައި މިއަހަރުގެ ޑިސެމްބަރު މަހުގެ 3 ވަނަ ދުވަހާއި ހަމައަށް ފަތުރުވެރިކަމުގެ ދާއިރާގެ ބެޑް ކެޕޭސިޓީ އުޅެނީ 62،864 ގައެވެ. މީގެ ތެރެއިން 42،539 އަކީ ރިސޯޓުތަކުގެ ބެޑް ކެޕޭސިޓީއެވެ. ދެވަނަ އަށް އެންމެ ގިނަ ބެޑް ކެޕޭސިޓީ ގެސްޓް ހައުސްތަކުގައި ހުރިއިރު، ހޮޓެލްތަކުގައި 1،956 އަދި ސަފާރީތަކުގެ ބެޑް ކެޕޭސިޓީއަކީ 3،044 އެވެ. މިއަހަރުގެ މިހާތަނަށް ރާއްޖެއަށް 1،855،799 ފަތުރުވެރިން ޒިޔާރަތް ކޮށްފައިވާއިރު، މިއީ މިދިޔަ އަހަރުގެ މި މުއްދަތާއި އަޅާބަލާއިރު، 152،497 ގެ އިތުރުވުމެކެވެ. މިދިޔަ އަހަރުގެ މި މުއްދަތުގައި ރާއްޖެއަށް ޒިޔާރަތް ކޮށްފައިވަނީ 1،703،202 ފަތުރުވެރިންނެވެ.
މިއަހަރުގެ މިހާތަނަށް ރާއްޖެއަށް އައިސްފައިވާ ފަތުރުވެރިންގެ ތެރެއިން 252،468 ފަތުރުވެރިންނަކީ ޗައިނާ ފަތުރުވެރިންނެވެ. ދެވަނައަށް އެންމެ ގިނައިން ފަތުރުވެރިން އައިސްފައިވަނީ ރަޝިއާއިންނެވެ. އެއީ 206،745 އެވެ. ތިން ވަނައިގައި 162،285 ފަތުރުވެރިންނާއެކީ އިނގިރޭސިވިލާތް އޮތްއިރު، ހަތަރު ވަނައިގައި 143،903 ފަތުރުވެރިންނާއެކީ އޮތީ ޖަރުމަންވިލާތެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0