Read Time:3 Minute, 13 Second
ފޮޓޯ ކްރެޑިޓްސް: ވަގުތު
ހުރަވީ ދުވަހަކީ ގައުމަށް އަމާނާތްތެރިވުމާއި ގައުމަށް ހިޔާނާތްތެރިވުމުގެ މިސާލު ވެސް ފެންނަ ދުވަހެއް ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ. ޑރ. މުއިއްޒު މިހެން ވިދާޅުވީ ހުރަވީ ދުވަހުގެ މުނާސަބަތުގައި އެކްސްގައި ކުރެއްވި ޕޯސަޓެއްގައެވެ.
މި ޕޯސްޓްގައި ހުރަވީ ދުވަހަކީ ގައުމަށް އަމާނާތްތެރިވުމާއި ގައުމަށް ހިޔާނާތްތެރިވުމުގެ މިސާލު ވެސް ފެންނަ ދުވަހެއް ކަމަށް ވިދާޅުވުމުގެ އިތުރުން، ވިދާޅުވެފައިވަނީ ދުވަހުގެ ބަތަލު ދޮންބަންޑާރައިންގެ މަތިވެރި ޖިހާދާއި ރީތި އަހްލާގަކީ މިއަދު ލިބިގަންނަންވީ އެންމެ އަގުހުރި ފިލާވަޅެ ކަމަށް ވިދާޅުވެފައެވެ. ރާއްޖެގެ ހުރަވީ ދުވަސް މިއަދު ފާހަަގަކުރަމުންދާއިރު، މި ދުވަހަކީ ހިޖުރީގޮތުން 1166 ގެ ސަފަރު މަހުގެ 13 ވަނަ ދުވަހު މަލަބާރީން ނުވަތަ ހޮޅިންގެ ލަޝްކަރެއް ރާއްޖެ އަރައި ތަހުތުގައި އިންނެވި ރަދުން ހައްޔަރުކޮށް އެމީހުންގެ ބާރުގެ ދަށަށް ދިވެހިރާއްޖެ ގެންދިޔަފަހުން އެ އަޅުވެތިކަމުން ރާއްޖެ ސަލާމަތްވުން ފާހަގަކުރާ ދުވަހެވެ.
އެ އަޅުވެތިކަމުން ރާއްޖެ މިނިވަން ކުރެއްވީ ދޮންބަންޑާރައިންނެވެ. ހިޖުރައިން 3 ޖުމާދަލްއާޚިރު 1166 މިލާދުން 7 އޭޕްރީލް 1753 ވީ އާދިއްތަ ވިލޭރޭ މެންދަމު މަލާބާރީންގެ ވެރިކަމުގެ މަރުކަޒުކަމަށް ހެދި ވެޔޮދޮށު ގަނޑުވަރަށް ދޮންބަންޑާރައިން އެކުވެރީންނާއެކު ވަދެވަޑައިގެން މަލާބާރީންނާ ހަނގުރާމަ ކުރައްވާ އެމީހުން ބަލި ކުރެއްވިއެވެ. މި ދުވަހަށް ހުރަވީ ދުވަހުގެ ނަމުން ނަންދެވިފައިވަނީ މަލާބާރީންގެ އަޅުވެތިކަމުން ދިވެހި ގައުމު ސަލާމަތް ކުރެއްވުމުގައި އިސްވެ ޖިހާދު ކުރެއްވި ގައުމީ ބަތަލު، ދޮންބަންޑާރައިންނަކީ، ހުރަވީ ޚާންދާނުގެ ބޭފުޅަކަށް ވާތީއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0