Read Time:2 Minute, 12 Second
(ފޮޓޯ ކްރެޑިޓްސް: ރައީސް އޮފީސް)
ޗައިނާ ސަރުކާރުގެ ހިލޭ އެހީގައި މާލެއާއި ވިލިމާލޭގެ މަގުތައް ޒަމާނީ ފެންވަރަށް ތަރައްޤީކުރުމުގެ ބޮޑު މަޝްރޫޢެއް ފެށުމަށް ތައްޔާރުވަމުންދާކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ވިދާޅުވެފައެވެ. މި މަޝްރޫޢުގެ ދަށުން ބައެއް މަގުތަކުގައި ތާރު އަޅައި އަދި އަނެއްބައި މަގުތަކުގައި ގައު އަތުރައިގެން ތަރައްޤީކުރާއިރު، ފެންބޮޑުވުމުގެ މައްސަލައަށް ދާއިމީ ހައްލެއް ހޯދުމަށް ސްޓޯމްވޯޓާ ސިސްޓަމްތަކާއި ޑީވޯޓަރިން ނިޒާމުގެ އިތުރުން އަލިފާން ނިއްވުމަށް ބޭނުންވާ ވަސީލަތްތައްވެސް މަގުތަކުގައި ޤާއިމްކުރެވޭނެއެވެ. މިއަހަރު ނިމޭކޮޅު ނުވަތަ އަންނަ އަހަރުގެ ކުރީކޮޅު އަމަލީ މަސައްކަތް ފެށުމަށް އުންމީދުކުރާ މި މަޝްރޫޢަކީ މާލޭގެ އާބާދީ އިތުރުވުމާ ގުޅިގެން މަގުތަކަށް ދިމާވެފައިވާ ޒަމާންވީ ދަތިތަކަށް ހައްލެއް ހޯދުމަށް ކުރިއަށްގެންދާ މުހިންމު މަސައްކަތެކެވެ. މީގެ އިތުރުން ކުރީ ސަރުކާރުން ފެންވަރު ދަށްކޮށް ހަދާފައިވާ އަމީނީ މަގު އަލުން މަރާމާތުކުރުމުގެ މަސައްކަތް އެމްޓީސީސީއާ ހަވާލުކޮށްގެން ކުރިއަށްގެންދިއުމަށްވެސް ސަރުކާރުން ވަނީ ނިންމާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0