Read Time:1 Minute, 51 Second
(ފޮޓޯ ކްރެޑިޓްސް: ޒުވާން މަސްވެރިޔާ)
ރާއްޖޭގެ 13 ރަށެއްގައި 2100 ހައުސިންގ ޔުނިޓް ތަރައްޤީކުރުމަށް 100 އިންސައްތަ ދިވެހި ކުންފުނިތަކަށް ފުރުޞަތު ހުޅުވާލައިފިއެވެ. “ނޭޝަނަލް އެފޯޑަބަލް ހޯމް އޯނަރޝިޕް ޕްރޮގްރާމް” ގެ ދަށުން ކުރިއަށްގެންދާ މި މަޝްރޫޢަކީ ކޮންޓްރެކްޓަރ ފައިނޭންސް އުސޫލުން 2 އަހަރު ތެރޭގައި ނިންމަންޖެހޭ މަސައްކަތެކެވެ. މި މަޝްރޫޢުގެ ދަށުން ތަރައްޤީކުރާ 3 ކޮޓަރީގެ އެޕާޓްމަންޓްތަކުގެ 60 އިންސައްތަ ސޯޝަލް ހައުސިންގްގެ ގޮތުގައި 1.5 މިލިއަން ރުފިޔާއަށްވުރެ ބޮޑުނުވާނެހެން ވިއްކަންޖެހޭއިރު، ބާކީ 40 އިންސައްތަ މާކެޓް ރޭޓުގައި ވިއްކުމުގެ އިޚްތިޔާރު ޑިވެލޮޕަރުންނަށް ލިބެއެވެ. ސަރުކާރުން ބިން ހިލޭ ފޯރުކޮށްދިނުމުގެ އިތުރުން، އިމްޕޯޓް ޑިއުޓީއާއި ޖީ.އެސް.ޓީން އިސްތިސްނާވުން ފަދަ ލުއިތަކެއްވެސް ވަނީ ހަމަޖައްސައިދީފައެވެ. މިކަމަށް ޝައުޤުވެރިވާ ފަރާތްތަކުން އަންނަ މަހުގެ 17 ވަނަ ދުވަހުގެ ކުރިން ޕްރޮޕޯޒަލް ހުށަހަޅަންޖެހެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0