Read Time:2 Minute, 3 Second
(ފޮޓޯ ކްރެޑިޓްސް: ރައީސް އޮފީސް)
މާލޭގެ ބޮޑުތަކުރުފާނު މަގު ޒަމާނީ ފެންވަރަށް ތަރައްޤީކުރުމުގެ މަޝްރޫޢުގެ ދަށުން، ހެންވޭރު ފެރީ ޓާމިނަލުން ފެށިގެން އިއްޒުއްދީން ފާލަމާ ދެމެދު އޮތް ސަރަހައްދު އަންނަ ހަފުތާގައި ހުޅުވާލުމަށް ފަހު، ދެން އެންމެ އަވަހަށް މަސައްކަތް ފަށާނީ ނޯތު ހާބަރުން ފެށިގެން ރަސްފަންނާ ދެމެދު އޮތް ސަރަހައްދުގައި ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫޢުގެ ދަށުން ބޭރު މަގު ފުޅާކޮށް، ދެކޮޅަށް ދުއްވޭ ދެ ލޭނަށް ބަދަލުކުރުމުން މާލޭގެ ޓްރެފިކަށާއި ބާޒާރުމަތީގެ ތޮއްޖެހުމަށް ބޮޑު ލުޔެއް ލިބޭނެއެވެ. މީގެ އިތުރުން، ޕާކިންގެ މައްސަލައަށް ހައްލެއް ހޯދުމަށް މަގުން ބައެއް ހިއްކައި، 500 އެއްހާ ސައިކަލު ޕާކުކުރެވޭނެ އިންތިޒާމު ވަނީ ހަމަޖައްސާފައެވެ. މަގުގެ ދެފަރާތުގައި ގަސް އިންދައި ހިތްފަސޭހަ މާހައުލެއް ގާއިމުކުރުމަށް އަމާޒު ހިފާފައިވާ މި މަޝްރޫޢުގެ ހުރިހާ މަސައްކަތެއް މި މަހުގެ 26 އަށް ނިންމުމަށް މިހާރު ދަނީ މަސައްކަތް ކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0