Read Time:1 Minute, 57 Second
(ފޮޓޯ ކްރެޑިޓްސް: ބީއެމްއެލް)
ބޭންކް އޮފް މޯލްޑިވްސް (ބީއެމްއެލް) އިން ވޭތުވެދިޔަ ދެ އަހަރާއި ބައިގެ ތެރޭގައި ރެކޯޑް އަދަދަކަށް ބޭރު ފައިސާ ވިއްކާފައިވާކަން ހާމަކޮށްފިއެވެ. އެގޮތުން 2024 އިން 2026 ގެ ޖޫން މަހުގެ ނިޔަލަށް ޖުމްލަ 1.7 ބިލިޔަން ޑޮލަރު ވިއްކާފައިވާއިރު، މިއީ އޭގެ ކުރީގެ މުއްދަތާ އަޅައިބަލާއިރު 77 އިންސައްތައިގެ އިތުރުވުމެކެވެ. ބޭންކުން ވިއްކި ފައިސާގެ ތެރޭގައި ކާޑު މުއާމަލާތްތަކާއި، ޓީޓީ، ތައުލީމާއި ބޭސްފަރުވާގެ އިތުރުން ދަތުރުވެރިންނަށް ވިއްކި ޑޮލަރު ހިމެނޭއިރު، ހުރިހާ ދާއިރާއަކުންވެސް ޑޮލަރު ދޫކުރި މިންވަރު ވަނީ ބޮޑުތަނުން އިތުރުވެފައެވެ. ވަކިން ހާއްސަކޮށް، ކާޑު މުއާމަލާތްތަކަށް ދޫކުރި އަދަދު ދެގުނަ އިތުރުވެފައިވާއިރު، ވޭތުވެދިޔަ ފަސް އަހަރުގެ ތެރޭގައި މަހެއްގެ މައްޗަށް ބޭރު ފައިސާ ވިއްކާ މިންވަރު ވަނީ ހަތަރު ގުނަ އިތުރުވެފައެވެ. ބީއެމްއެލްއިން ބުނިގޮތުގައި މިއީ ރާއްޖޭގެ ބޭރު ފައިސާގެ ބޭނުންތައް ފުއްދައިދިނުމުގައި ބޭންކުން ބަހައްޓާ ސާބިތުކަން ހާމަކޮށްދޭ ކަމެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0